खसोखास क्यामेरामा न्यूयोर्क सिटी मेयर मामदानीको ऐतिहासिक शपथग्रहण (फोटो फिचर)
प्रकाशित मिति : पुस १७, २०८२ शुक्रबार
जनवरी १, २०२६ मा हिमपातपछि चिसो तापक्रमका बाबजुत म्यानह्याटनमा हजारौं न्यूयोर्कवासीहरू इतिहासको साक्षी बन्न जम्मा भए। ३४ वर्षीय डेमोक्र्याटिक सोसलिस्ट जोहरान मामदानी न्यूयोर्क सिटीको ११२औं मेयरको रूपमा शपथग्रहण गरेपछि यो शहरको पहिलो मुस्लिम, पहिलो दक्षिण एसियाली र एक शताब्दीभन्दा बढी समयपछि सबैभन्दा कान्छो मेयर बनेका छन्।
आधिकारिक सत्ता हस्तान्तरण मध्यरातपछि सुरु भयो, पुरानो सिटी हल सबवे स्टेसनमा। मामदानीले कुरानमा हात राखेर न्यूयोर्क एटर्नी जनरल लेटिसिया जेम्सबाट शपथ लिएका थिए ।
बिहिबार दिउँसोसम्म सिटी हलको सीढीहरू आशा र प्रगतिको मञ्च बने। सिनेटर बर्नी स्यान्डर्सले औपचारिक शपथग्रहण गराए। सांसद एलेक्जान्ड्रिया ओकासियो कोर्टेजले उद्घाटन सम्बोधन गर्दै यो न्यूयोर्क सिटीको नयाँ युग भएको घोषणा गरिन्।
मामदानीको सपथग्रहण समारोहका सबै तस्वीर हेर्न स्लाइड गर्नुहोला।
मामदानीले सार्वजनिक समारोहमा फेरि कुरानमा हात राखेर शपथ लिए भने आफ्नो विश्वास र विरासतलाई जोड दिए। वक्ताहरूले किफायती आवास, आप्रवासी अधिकार र साहसी सरकारी कार्यलाई जोड दिए।
चिसोको बाबजुद समर्थकहरूको उत्साहजनक सहभागिता थिषे । कार्यक्रममा प्रसिद्ध व्यक्तिहरू र साधारण न्यूयोर्कवासीहरू सहभागी भए, दशकौंपछिको सबैभन्दा ठूलो मेयर शपथग्रहण भीड बन्यो। ब्रोडवे ब्लक पार्टीमा झण्डै ४० हजार र सिटी हलमा थप ४ हजार टिकट प्राप्त पाहुनाहरूबीच मामदानीले न्यूयोर्कलाई सम्भावनाको शहर बनाउने प्रतिज्ञा गरे ।
सबै तस्वीर: राजन काफ्ले