अलास्कामा ऐतिहासिक ट्रम्प-पुटिन भेट : जेलेन्स्कीको ‘न्यायपूर्ण शान्ति’को सपना पुरा होला ?

खसोखास रिपोर्टर

---

प्रकाशित मिति : श्रावण ३०, २०८२ शुक्रबार

अलास्कामा शुक्रबार हुने रूस–अमेरिका शिखर बैठकलाई लिएर युक्रेनी राष्ट्रपति भोलोडिमिर जेलेन्स्कीले यसले ‘न्यायपूर्ण शान्ति’को बाटो खोल्ने अपेक्षा गरेका छन् ।

उनले शुक्रबार अमेरिकी राष्ट्रपति डोनाल्ड ट्रम्प र रूसी राष्ट्रपति भ्लादिमिर पुटिनबीचको वार्ताले युक्रेन, अमेरिका तथा रूसबीच गम्भीर त्रिपक्षीय वार्ताको वातावरण सिर्जना गर्ने आशा व्यक्त गरे ।

जेलेन्स्कीले टेलिग्राममा लेख्दै भने, “अब युद्ध अन्त्य गर्ने समय आएको छ । आवश्यक कदमहरू रूसले चाल्नुपर्छ। हामी अमेरिकामाथि भरोसा गर्छौं ।”

अमेरिकी राष्ट्रपति ट्रम्प र रूसी समकक्षी पुटिन शुक्रबार शीतयुद्ध–कालीन वायुसेना आधारमा भेटेर युक्रेनका लागि युद्धविराम सम्झौताबारे छलफल गर्दैछन् । अमेरिकाले यसलाई दोस्रो विश्वयुद्धपछि युरोपमा भएको सबैभन्दा घातक युद्ध अन्त्य गर्ने सम्भावित अवसरका रूपमा लिएको छ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

रूसी राष्ट्रपति पुटिनसँग भेटवार्ताका लागि ट्रम्प अलास्का प्रस्थान गरिसकेका छन् ।

युक्रेनी राष्ट्रपति भोलोदिमिर जेलिन्स्कीलाई यस वार्तामा समावेश गरिएको छैन। युक्रेन र युक्रेनका युरोपेली सहयोगीहरूलाई ट्रम्पले युद्धलाई स्थिर पार्दै युक्रेनको पाँचौँ भागमाथि रूसी नियन्त्रणलाई अप्रत्यक्ष रूपमा मान्यता दिन सक्ने आशंका छ ।

तर, ट्रम्पले युक्रेनको भौगोलिक सीमासम्बन्धी निर्णय उनीहरूको आफ्नै अधिकारमा हुने भन्दै चिन्ता हटाउने प्रयास गरेका छन्।