शुक्रबार अलास्कामा ट्रम्प-पुटिनको ऐतिहासिक भेट, युक्रेन युद्ध अन्त्यमा नजर
प्रकाशित मिति : २९ श्रावण २०८२, बिहिबार
अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीचको बहुप्रतीक्षित बैठक शुक्रबार अलास्काको एंकोरेजस्थित एल्मेन्डर्फ–रिचार्डसन सैनिक बेसमा हुँदैछ। स्थानीय समयानुसार बिहान ढिलो सुरु हुने बैठक वाशिङटनमा दिउँसो ३ः३० र ब्रसेल्समा राति ९ः३० बजे हुनेछ।
क्रेमलिनका अनुसार बैठकको मुख्य विषय युक्रेनी संकटको समाधान हुनेछ। नेताहरूले सुरुमा केवल अनुवादकको उपस्थितिमा एकान्त वार्ता गर्नेछन्, त्यसपछि विस्तारित प्रतिनिधिमण्डलस्तरीय छलफल र ब्रेकफास्ट गर्नेछन् । रुसी टोलीमा विदेशमन्त्री सेर्गेई लावरोभ, रक्षामन्त्री अन्द्रेई बेलोउसफ, वित्तमन्त्री एन्टन सिलुआनोभसहित उच्च अधिकारीहरू रहनेछन्।
बैठकपछि संयुक्त पत्रकार सम्मेलन गर्ने तयारी गरिएको छ। ह्वाइट हाउस प्रेस सचिव क्यारोलिन लेभिटका अनुसार, ट्रम्पले कूटनीति र वार्तामार्फत युद्ध अन्त्य गर्ने प्रयास गर्नेछन् । यद्यपी, ट्रम्पले आवश्यक परे प्रतिबन्धलगायतका कदम चाल्न सक्ने चेतावनी पनि दिएका छन्।
ट्रम्पले सम्भावित भूभाग अदलाबदलको संकेत दिएपछि युक्रेनी राष्ट्रपति भोलोदिमिर जेलेन्स्कीले आफ्नो भूमि “अधिकारीलाई नदिने” चेतावनी दिएका छन् ।
२०२५ अगस्टसम्म रुसले युक्रेनी भूभागको करिब २० प्रतिशत नियन्त्रणमा राखेको छ। युद्धभूमिमा ड्रोन स्वार्म, ग्लाइड बम र रकेट आक्रमण तीव्र भइरहेका छन्, जबकि युक्रेन गोलाबारुद र जनशक्ति संकटमा छ।
बैठकपछि ट्रम्पले जेलेन्स्की र युरोपेली नेताहरूसँग परामर्श गर्ने कार्यक्रम रहेको युरोपेली आयोगले जनाएको छ।