आइसको हिरासतबाट मुक्त भएका खलीलले ४ राज्यमा मात्रै यात्रा गर्न पाउने
प्रकाशित मिति : असार ७, २०८२ शनिबार
प्यालेस्टिनी अधिकार कार्यकर्ता समेत रहेका महमूद खलीलले १०४ दिनको लामो हिरासतबाट मुक्त भएर परिवारसँग भेट गरेका छन ।
उनी कोलम्बिया विश्वविद्यालयका स्नातक र अमेरिकी स्थायी बासिन्दा पनि हुन् । उनलाई १०४ दिन अघि आइसले पक्राउ गरेको थियो । उनी शनिबार दिउँसो न्यू जर्सी, न्यूवाक विमानस्थलमा अवतरण गरेका थिए ।
उनी हाँसिलो अनुहारमा आफ्नो नवजात छोरासहित अगाडि आएका थिए । उनको साथमा श्रीमती नूर अब्दल्ला, कानूनी टोली र कांग्रेस सदस्य एलेक्जान्द्रिया ओकासिओ–कोर्तेज समेत थिए ।
“राजनीतिक अभिव्यक्तिको आधारमा गरिएको यातना गलत हो यो केवल महमूदको अधिकार मात्र होइन, सबैको पहिलो संशोधन अधिकारहरूमाथिको उल्लंघन हो” ओकासिओ कोर्तेजले जोड दिइन् ।
लुइसियानाको जेना आइस हिरासतमा रहेको अवस्थामा उनी मार्च ८ मा पक्राउ परेका थिए । उनी कुनै आपराधिक कसुरमा आरोपित भने थिएनन् ।
न्यूर्जर्सीका संघीय न्यायाधीश माइकल फरबियार्जले “उनी कुनै जोखिममा नरहेका ” र “नागरिक सुरक्षामा कुनै खतरा होइन” भन्ने आदेश दिएका थिए ।
न्यायालयले हिरासतलाई असंवैधानिक ठहर गर्दै उनलाई तत्काल रिहा गर्न आदेश दिएको थियो । आइसले उनको पासपोर्ट र ग्रीन कार्ड जफत गरेको थियो । उनी सीमित न्यूयोर्क, मिशिगन, लुइसियाना, न्यूर्जर्सीमा मात्र यात्रा गर्न सक्नेछन् ।
कोर्ट सुनुवाइ र डिपार्टमेन्ट अफ होमल्यान्ड सेक्युरिटीलाई ४८ घण्टामा आफ्नो ठेगाना जानकारी दिन अनिवार्य गरिएको छ ।
ट्रम्प प्रशासनले मार्चमा विदेशी विद्यार्थीलाइ “इजरायली–विरोधी आन्दोलन” गरेको आरोपमा प्रतिबन्ध र निकाला गर्ने घोषणा गरेको थियो । खलील पहिलो पक्राउ परेका विद्यार्थी थिए ।
महमूद खलीलको रिहाइले ट्रम्प प्रशासनको अभिव्यक्ति स्वतन्त्रता र आप्रवासन नीतिमा ठूलो चुनौती र विपरीत धार ल्याएको देखिएको छ ।