भर्जिनियामा सन्तोष परियार सहित ४ जनाको परिवारै मृत फेला, सबैको मृत्यु गोलीबाट
प्रकाशित मिति : जेष्ठ २३, २०८२ शुक्रबार
भर्जिनियाको मनासस पार्कमा बिहीबार राति एउटा घरमा दुई बालबालिका र दुई वयस्कलाई गोली हानिएको अवस्थामा मृत फेला पारिएको छ। प्रहरीले यसलाई सम्भावित हत्या-आत्महत्या घटनाको रूपमा अनुसन्धान गरिरहेको छ।
प्रहरीका अनुसार, २ वर्षीय बालक, ८ वर्षीया बालिका र दुई वयस्कलाई अपार्टमेन्टमा मृत फेला पारिएको हो । घरबेटीले भाडावालहरूको जाँच गर्न प्रहरीलाई अनुरोध गरेपछि उनीहरूलाई मृत फेला पारिएको थियो।
मृतकहरूमा ३८ वर्षीय सन्तोष परियार, ३६ वर्षीया अञ्जु श्रेष्ठ र दुई बालबालिका छन् । बालबालिकाको प्रहरीले सार्वजनिक गरेको छैन।
म्यानासस पार्क प्रहरीले यो घटना हालसम्म हत्या-आत्महत्याको रूपमा देखिएको बताएको छ । प्रहरीले तत्कालै कसले गोली चलाएको हुन सक्छ भनेर खुलाएको छैन ।
प्रहरीलाई बिहीबार राति करिब १०:४० बजे लानाए लेनको ९४०० ब्लकमा रहेको तलको अपार्टमेन्टमा बोलाइएको थियो। प्रहरीका अनुसार, चारै जनाको मृत्यु गोली लागेर भएको देखिन्छ।
घटनास्थलमा एउटा बन्दूक फेला परेको छ। प्रहरीले चारै जनालाई मनाससको मेडिकल एक्जामिनरको कार्यालयमा लगिएको बताएको छ ।