ट्रम्पको ट्यारिफपछि बेलायती प्रधानमन्त्रीले भने – ‘म पनि देशको हितमा निर्णय लिनेछु’

खसोखास रिपोर्टर

---

प्रकाशित मिति : चैत्र २१, २०८१ बिहीबार

बेलायती प्रधानमन्त्री कीअर स्टार्मरले अमेरिकी राष्ट्रपति डोनाल्ड ट्रम्पले लगाएको करप्रति प्रतिक्रिया जनाएका छन्। उनले अमेरिकी राष्ट्रपति ट्रम्पले आफ्नो देशको हितमा निर्णय लिएको बताए । उनले आफुले अब बेलायतको हितमा निर्णय लिने सकेत उल्लेख गरे ।

उनले भने, ‘हिजो राति अमेरिकी राष्ट्रपतिले आफ्नो देशको हितमा निर्णय लिनुभयो। अब म पनि बेलायतको हितमा निर्णय लिनेछु।’

उनले आगामी दिनहरुमा आफुहरुले लिे निर्णय राष्ट्र, अर्थतन्त्र, व्यवसाय र जनताको हितमा हुने स्पष्ट पारे । उनले भने, ‘आगामी दिन र हप्ताहरूमा हामीले लिने कुनै पनि निर्णय हाम्रो राष्ट्र, अर्थतन्त्र, व्यवसाय र जनताको हितमा हुनेछ।’

प्रधानमन्त्री स्टार्मरले अमेरिकाको नयाँ निर्णयले बेलायतसँगै विश्वको अर्थतन्त्रमा प्रभाव पार्ने बताउँदै आफुहरु पूर्ण रुपमा तयार रहेको जिकिर गरे । उनले आफुहरुको सबै शक्ति भनेकै हरेक परिस्थितिमा शान्त र बुद्धिमानीपूर्वक काम गर्ने रहेको बताए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

केयर स्टारमर भन्छन्, ‘यो स्पष्ट छ कि अमेरिकाको यो निर्णयले हाम्रो र विश्वको अर्थतन्त्रमा प्रभाव पार्नेछ। तर म स्पष्ट रूपमा भन्न चाहन्छु, हामी यसको लागि पूर्ण रूपमा तयार छौं। हाम्रो सबैभन्दा ठूलो शक्ति भनेको हामी हरेक परिस्थितिमा शान्त र बुद्धिमानीपूर्वक काम गर्छौं।’

उनले व्यापार युद्धमा कसैले पनि जित्न नसक्ने स्पष्ट पारे । ‘व्यापार युद्धमा कसैले पनि जित्दैन र यो हाम्रो हितमा छैन।’, उनले भने ।

प्रधानमन्त्री स्टार्मरले डोनाल्ड ट्रम्पसँग कुनै पनि सम्झौता बेलायतको लागि फाइदाजनक भएमा मात्र गर्ने बताए ।