अमेरिकाले सहयोग रोकेपछि भारतमा रहेका ट्रान्सजेन्डरको उपचार गर्ने क्लिनिक बन्द
प्रकाशित मिति : फाल्गुन १९, २०८१ सोमबार
भारतमा ट्रान्सजेन्डरका लागि तीन शहरमा सञ्चालनमा रहेका क्लिनिक बन्द भएका छन ।
अमेरिकी राष्ट्रपति डोनाल्ड ट्रम्पको निर्णयपछि तीन शहरमा संचालन बन्द भएको छ । ट्रम्पले उक्त क्लिनिकलाई दिइने विदेशी सहायता रोकिदिएका छन् ।
मित्र क्लिनिक २०२१ मा हैदराबादको दक्षिणी शहरमा स्थापना गरिएको थियो । यसले हजारौं ट्रान्सजेन्डर व्यक्तिहरूलाई एचआईभी उपचार, समर्थन र परामर्श सेवा प्रदान गरिरहेको थियो ।
पश्चिमी भारतको थाणे र पुणे शहरहरूमा २०२१ मा स्थापना भएका अन्य दुई मित्र क्लिनिकहरू पनि अनुदान रोकिएका कारणले बन्द भएका छन् ।
जनवरीमा ट्रम्पले कार्यकारी आदेश जारी गर्दै ९० दिनका लागि सबै विदेशी सहायता रोक्ने निर्णय गरेका थिए । जसको कारण यी क्लिनिकको कामकाज प्रभावित भएको हो ।
अमेरिकी विदेशी सहायता विभाग यूएसएआईडी मा गरिएको कडाइलाई यसै दिशामा चालिएको कदमको रूपमा हेरिएको छ ।
यूएसएआईडी द्वारा प्रदान गरिने सहायता रोकेपछि यो कदमले संसारभरका विकास परियोजनाहरूलाई प्रभावित बनाएको छ ।
भारतमा मित्र क्लिनिकहरूको बन्दले ट्रान्सजेन्डर समुदायको लागि महत्वपूर्ण चिकित्सा सहयोगमा असर पारेको छ ।
यो परियोजना २००३ मा अमेरिकी राष्ट्रपति जर्ज बुशको पालामा एचआईभी र एड्स राहतका लागि स्थापित गरिएको थियो ।
जॉन हपकिन्स विश्वविद्यालयले यूएसएआईडी र भारतीय सरकारसँग सहकार्य गर्दै यसलाई स्थापना गरेको थियो ।
तीन क्लिनिकहरूले लगभग ६ हजार ट्रान्सजेन्डर व्यक्तिहरूलाई सेवा प्रदान गरिरहेका थिए । ती मध्ये ६ देखि ८ प्रतिशतको उपचार एचआईभीका लागि भइरहेको थियो।