इजरायल र हमासकाबीचमा दोस्रो चरणको वार्ता चाँडै सुरु हुने अमेरिकाको भनाई
प्रकाशित मिति : फाल्गुन १५, २०८१ बिहीबार
(250129) — GAZA, Jan. 29, 2025 (Xinhua) — A Palestinian child is seen on a destroyed building in Jabalia refugee camp in the northern Gaza Strip, on Jan. 29, 2025. More than 500,000 displaced Palestinians have returned to northern Gaza in the past 72 hours, the Hamas-run media office said on Wednesday. (Photo by Abdul Rahman Salama/Xinhua)
अमेरिकाले इजरायल र हमासकाबीचमा युद्धविराम अन्तर्गतको दोस्रो चरणको वार्ता चाँडै सुरु हुने बताएको छ ।
मध्यपूर्वका लागि अमेरिकी राष्ट्रपति डोनाल्ड ट्रम्पका उच्च दूतले इजरायली प्रतिनिधि युद्धविरामको अर्को चरणका लागि वार्ताका लागि तयार रहेको बताएका हुन । अर्को चरणका वार्ता कतारको दोहा वा इजिप्टको कायरोमा हुने बताइएको छ ।
इजरायलले पठाउने वार्ता टोलीसँग हमासको वार्ता चाँडै हुने उच्च दूत स्टिभ विटकोफले भनेका छन । उच्च दूत विटकोफको टिप्पणी बारेमा इजरायलको प्रतिकृया आएको छैन ।
लडाकूहरूले अझै पनि कब्जामा राखेका दर्जनौं बन्धकहरूको रिहाई पनि गर्नुपर्नेछ । हमासले इजरायलसँग गाजा युद्धविरामको अर्को चरणका लागि वार्तामा प्रवेश गर्न बिहीबार आह्वान गरेको छ।
सम्झौताको पहिलो चरणअन्तर्गत हमासले २५ जना जीवित बन्धकलाई मुक्त गरेको छ भने अन्य आठ जनाको शव इजरायललाई फिर्ता गरेको छ ।
यसको बदलामा इजरायलले महिला र नाबालिकसहित करिब एक हजार ९०० प्यालेस्टिनी कैदीहरूलाई रिहा गर्ने सहमति भएको थियो ।
बुधबार राति फिर्ता गरिएका चार बन्धकको शवको बदलामा इजरायलले बिहीबार ५९६ जना प्यालेस्टिनी कैदीलाई रिहा गरेको छ ।
युद्ध सुरु भएपछि पक्राउ परेका गाजाका सबै महिला र नाबालिक गरी ४६ जना कैदीलाई रिहा गर्न बाँकी रहेको बताइएको छ ।
युद्धविरामका बावजुद गाजामा छिटपुट हिंसाका घटना भने भएका छन् । इजरायली सेनाले बुधबार त्यहाँबाट क्षेप्यास्त्र प्रहार भएपछि विभिन्न प्रक्षेपण स्थलमा हवाई आक्रमण गरेको जनाएको छ ।