युक्रेनको खनिज स्रोतमा पहुँच सम्वन्धि सम्झौतामा शुक्रबार अमेरिकासँग हस्ताक्षर हुने
प्रकाशित मिति : फाल्गुन १४, २०८१ बुधबार
US-UKRAINE-DIPLOMACY-POLITICS-UNREST-ZELENSKY
अमेरिकी राष्ट्रपति डोनाल्ड ट्रम्प र यूक्रेनी राष्ट्रपति भोलोडिमिर जेलेंस्कीकाबीचमा भेटवार्ता हुने भएको छ ।
शुक्रबार वाशिङ्टनमा ट्रम्पसँग भेट्न जेलेंस्की जानु हुने बताइएको छ । भेटवार्ताको क्रममा जेलेंस्कीले आफ्नो देशको खनिज स्रोत साझा गर्ने सम्झौतामा हस्ताक्षर गर्ने तय भएको ट्रम्पले बताएका छन ।
जेलेंस्कीले यो द्विपक्षीय सम्झौता प्रारम्भिक भएको बताएका छन् । तर युक्रेनले अमेरिकासँग थप सम्झौताहरू गर्न चाहेको भन्दै उनले रूसको पुनः आक्रमणलाई रोक्नको लागि अमेरिकी सुरक्षा ग्यारेन्टी समावेश हुनुपर्नेमा जोड दिएका छन ।
तर ट्रम्पले अमेरिकाले युक्रेनलाई धेरै सहयोग गर्ने कुनै ग्यारेन्टी भने प्रदान नगर्ने बताउदै यो जिम्मेवारी यूरोपमा रहनु पर्ने भनिरहेका छन ।
ट्रम्पले युक्रेन नेटो सदस्य बन्ने सम्भावनालाई अस्वीकार गरेका छन । नेटो सदस्य बन्नका लागि जेलेंस्कीको लामो समयको चाहना रहेको छ ।
बुधबार आफ्नो क्याबिनेटको बैठकमा बोल्दै ट्रम्पले युक्रेनी माटोमा दुर्लभ पृथ्वी धातुहरू निकाल्ने अमेरिकी कामदारहरूको उपस्थितिले युक्रेनका लागि ‘स्वचालित सुरक्षा’ प्रदान गर्ने बताए ।
अमेरिकी राष्ट्रपतिले युक्रेन र रूस बीच युद्धविराम चाँडै हुनसक्ने भन्दै मानिसहरूलाई पहिला मर्नबाट जोगाउनु पर्ने बताए । तर जेलेन्स्कीले अमेरिकाले सुरक्षा ग्यारेण्टी नगर्दासम्म युद्धविराम सम्झौता हुननसक्ने बताएका छन ।
रूसले लगातार युक्रेनलाई नेटोको सदस्य बन्न दिने कुरामा विरोध गरिरहेको छ । यदि युक्रेन नेटोको सदस्य बन्यो भने नेटोका सैनिकहरु आफ्नो सीमासम्म आउँछन भन्ने रुसलाई डर रहेको छ ।
ट्रम्पले युक्रेनमा युद्धविराम सम्झौताको भागको रूपमा युरोपेली शान्ति सैनिकहरूलाई युक्रेनमा तैनाथ गर्न सक्ने कुरा सुझाव दिएका छन् । तर यसलाई पनि रूसले विरोध गरेको छ ।
युक्रेन प्राकृतिक स्रोतहरूको लागि धनी देश हो । किभले अनुमान गरेको छ कि यहाँ विश्वका ूआवश्यक कच्चा सामग्रीहरूकोू लगभग ५ प्रतिशत छन्। तर यी स्रोतहरू मध्ये केहीलाई प्राप्त गर्न सजिलो छैन ।
केहि खनिज भएका जमिनहरू रूसले कब्जा गरेको छ । युक्रेनी अर्थमन्त्री युलिया स्विरिडेन्कोका अनुसार कब्जा गरिएका क्षेत्रहरूमा ३५० अर्ब डलर मूल्यका स्रोतहरू छन्।
पुटिनले अमेरिकीलाई दुर्लभ खनिजहरूको पहुँच दिने बारे विचार गर्न तयार छन् । जसमा रूसले कब्जा गरेका युक्रेनी क्षेत्रहरू पनि समावेश छन् ।
ब्रिटिश प्रधानमन्त्री किर स्टार्मर पनि यस हप्तामा ट्रम्प र जेलेंस्कीसँग अलगअलग भेट गर्न जाँदै छन् ।