अमेरिकी राष्ट्रपति ट्रम्पद्वारा एलन मस्कको भूमिका प्रमुख कार्यान्वयनकर्ताका रूपमा रहेको व्याख्या
प्रकाशित मिति : फाल्गुन ७, २०८१ बुधबार
अमेरिकी राष्ट्रपति डोनाल्ड ट्रम्पले मङ्गलबार राष्ट्रपति कार्यालयमा फर्केपछि जारी गरिएका कार्यकारी आदेशहरूको कार्यान्वयनमा टेक अर्बपति एलन मस्कको उत्साहको प्रशंसा गर्दै उनलाई आफ्नो प्रमुख कार्यान्वयनकर्ताका रूपमा चित्रित गरेका छन् ।
फक्स न्युजमा प्रसारण गरिएको संयुक्त अन्तर्वार्तामा ट्रम्पले आफ्नो कार्यकारी अधिकारलाई उछिन्दै गएको चिन्तालाई खारेज गर्दै पर्याप्त समय बिताउए ।
ट्रम्पले पछिल्लो तीन हप्तामा दर्जनौँ कार्यकारी निर्देशनमा हस्ताक्षर गरेका छन् । तीमध्ये धेरै संविधान विपरीत हुनसक्ने भनेर अदालतहरूमा चुनौती दिइएको छ ।
सन् २०२४ को राष्ट्रपतिको चुनावी अभियानमा ट्रम्पका शीर्ष दाता रहेका अर्बपति मस्कलाई सङ्घीय खर्चमा ‘फजुल खर्च, धोखाधडी र दुरुपयोग’ उन्मूलन गर्ने घोषित लक्ष्यका साथ नवनिर्मित सरकारी दक्षता विभाग (डिओजिई) को नेतृत्व गर्ने जिम्मेवारी दिइएको थियो ।
“डिओजिई टोलीको सबैभन्दा ठूलो कार्य भनेको राष्ट्रपतिको कार्यकारी आदेशहरू वास्तवमा कार्यान्वयन गरिएको सुनिश्चित गर्नु हो”, मस्कले फक्स न्युजलाई भने ।
अन्तर्वार्तामा ट्रम्पले आफ्ना नीतिहरू ढिलाई नगरि कार्यान्वयन गरिनुपर्ने कुरामा जोड दिँदै मस्क तिनलाई अगाडि बढाउनमा महत्त्वपूर्ण रहेको बताए ।