अमेरिकाले बिक्री गरेको हतियारको पहिलो खेप इजरायल पुग्यो
प्रकाशित मिति : फाल्गुन ४, २०८१ आईतबार
अमेरिकाले बिक्री गरेको अत्याधुनिक हतियारको पहिलो खेप आइपुगेको इजरायलले बताएको छ । अमेरिकामा निर्मित ‘भारी’ बम को पहिलो खेप आइपुगेको इजरायलले बताएको हो ।
अमेरिकी राष्ट्रपति डोनाल्ड ट्रम्पको प्रशासनले एमके–८४ युद्धसामग्री इजरायललाई बिक्री गर्न सहमति दिएको थियो ।
इजरायलमा आइपुगेको हतियारले वायु सेना र आईडीएफ का लागि महत्वपूर्ण भूमिका निर्वाह गर्नेछ ।
यसले इजरायल र अमेरिकाबीचको बलियो गठबन्धनको थप प्रमाणको रूपमा काम गर्दछ,” रक्षामन्त्री इजरायल काट्जले जारी गरेको विज्ञप्तिमा भनिएको छ।
ट्रम्प प्रशासनले फेब्रुअरीमा इजरायललाई ७ अर्ब ४० करोड अमेरिकी डलरभन्दा बढीको बम, क्षेप्यास्त्र र त्यससँग सम्बन्धित उपकरण बिक्री गर्न स्वीकृति दिएको थियो ।
इजरायलले सन् २०२३ को अक्टोबरमा गाजामा हमासविरुद्ध विनाशकारी आक्रमण सुरु गरेको थियो।
यस युद्धले गाजाको अधिकांश भागलाई तहसनहस पारेको छ । जसको परिणामस्वरूप त्यहाँको २४ लाख जनसङ्ख्याको अधिकांश हिस्सा विस्थापित भएको छ ।
अमेरिकी पूर्व राष्ट्रपति जो बाइडेनको प्रशासनले विस्फोटक प्रदार्थको दुरूपयोग हुनसक्ने भन्दै इजरायलमा दुई हजार पाउन्डको बमको ढुवानीमा रोक लगाएको थियो ।
तर ट्रम्पले पदभार ग्रहण गरेपछि उक्त रोकलाई हटाउदै ढुवानीका लागि अनुमति दिएका थिए ।