बर्ड फ्लू सङ्क्रमण गर्भवती महिलामा घातक हुने
प्रकाशित मिति : पुस ५, २०८१ शुक्रबार
गर्भवती महिलाहरूको लागि बर्ड फ्लूको सङ्क्रमण घातक हुने देखिएको छ । अष्ट्रेलियामा गरिएको एउटा अध्ययनले यो तथ्यलाई बाहिर ल्याएको हो ।
मेलबर्नको मर्डोक चिल्ड्रेन रिसर्च इन्स्टिच्युट (एमसीआरआई) द्वारा शुक्रबार प्रकाशित गरिएको उक्त अनुसन्धानले १ हजार ५०० भन्दा बढी अनुसन्धान पत्रको समीक्षा गरेको छ ।
अनुसन्धानले ३० महिलामध्ये २७ जनालाई बर्डफ्लु घातक भएको र मृत्युदर ९० प्रतिशत रहेको पाइएको देखाएको छ ।
उच्च रोगजनक एभियन इन्फ्लुएन्जा (एचपीएआई ) स्ट्रेन ‘एचफाइभ एनवन’ र ‘एचफाइभ एनटू’ विश्वव्यापी रूपमा बढ्दै गएको प्रकोपसँग सम्बन्धित मानव सङ्क्रमणको रूपमा यो अध्ययन प्रकाशित गरिएको थियो ।
अनुसन्धान टोलीले अनसन्धानले गर्भवती महिलालाई जतिसक्दो चाँडो महामारी योजनामा समावेश गर्ने कुरालाई प्रमुख प्राथमिकतामा राखेको निष्कर्षले देखाएको छ ।
एमसीआरआईका अध्ययन सह–लेखिका राहेल पर्सेलका अनुसार गर्भवती महिलाहरूलाई प्रायः खोप परीक्षणहरूबाट वञ्चित गरिएको थियो । सार्वजनिक स्वास्थ्य खोप कार्यक्रमहरूमा ढिलाइको सामना गर्नुपरेको देखिएको छ ।
गर्भवती महिलाहरूलाई नियमित रूपमा महामारीविरूद्धको उपचार र अन्य कार्यक्रमहरूमा सहभागी गर्न आवश्यक हुने अनुसन्धानको निश्कर्ष छ ।