चुनावी अभियान प्रमुख वाइल्सलाई चिफ अफ स्टाफ बनाउने नव निर्वाचित राष्ट्रपति ट्रम्पको घोषणा
प्रकाशित मिति : कार्तिक २२, २०८१ बिहीबार
Republican presidential nominee former President Donald Trump arrives to speak during a campaign rally at Dodge County Airport, Sunday, Oct. 6, 2024, in Juneau, Wis. (AP Photo/Julia Demaree Nikhinson)
अमेरिकी नवनिर्वाचित राष्ट्रपति डोनाल्ड ट्रम्पले आफ्नो चुनावी अभियान प्रमुख सुसन समराल वाइल्सलाई ह्वाइट हाउसको चिफ अफ स्टाफको रूपमा नियुक्त गर्ने घोषणा गर्नुभएको छ ।
वाइल्सले अमेरिकी इतिहासकै एक ठूलो राजनीतिक जितहरू मध्ये एकमा आफुलाई सहयोग गरेको ट्रम्पले वक्तव्यमा भन्नुभएको छ । वाइल्स कडा, बौद्धिक, रचनात्मक, र सर्वत्र सम्मानित र प्रशंसित रहेको ट्रम्पले उल्लेख गर्नुभयो ।
अमेरिकाको इतिहासमै पहिलो महिला चिफ अफ स्टाफको रूपमा सुसिलाई यो सम्मान मिल्नु पूर्ण रूपमा योग्य कुरा हो ट्रम्पले भन्नुभएको छ । मलाई विश्वास छ कि उहाँले हाम्रो देशलाई गर्वित बनाउनुहुनेछ । वाइल्सलाई अमेरिकाकै सफल राजनीतिक रणनीतिकारहरूमा गनिन्छ ।
चिफ अफ स्टाफलाई राष्ट्रपतिको प्रमुख सहयोगी मानिन्छ । उसले प्रत्येक राष्ट्रपतिको प्रशासनमा महत्वपूर्ण भूमिका खेल्छ । ह्वाइट हाउसको कर्मचारी व्यवस्थापन र राष्ट्रपतिको सम्पूर्ण कार्यकारी कार्यालयमा दैनिक काम र गतिविधिहरूको निगरानी गर्छन् ।
नीतिगत विषयमा राष्ट्रपतिलाई परामर्श दिने र नीति विकासमा निर्देशन र निगरानी गर्ने जिम्मेवारी पनि चिफ अफ स्टाफको हातमा हुन्छ।
वाइल्स को हुन् ?
यस वर्षको सुरुमा पॉलिटिकोले प्रकाशित एक प्रोफाइलमा सुसि वाइल्सलाई डर लाग्दो तर कम परिचित राजनीतिक हस्तीका रूपमा वर्णन गरेको थियो ।
राजनीतिमा संलग्न भएको एक वर्षमै वाइल्स १९८० को चुनाव अघि रोनाल्ड रेगनको अभियानमा सामेल हुनुभयो । उहाँले आफ्नो गृह राज्य फ्लोरिडामा राजनीतिलाई परिवर्तन गर्न महत्वपूर्ण भूमिका खेल्नुभयो ।
सन् २०१० मा, वाइल्सले त्यतिबेला राजनीतिक अनुभवविहीन व्यापारी रिक स्कटलाई फ्लोरिडाको गभर्नर बनाउन ठूलो भूमिका खेल्नु भयो ।
वाइल्सले २०१५ मा ट्रम्पलाई रिपब्लिकन राष्ट्रपतीय प्राथमिक चुनावको क्रममा भेट्नु भएको थियो । फ्लोरिडा अभियानको सह अध्यक्ष बन्नुभयो ।
सन् २०१६ मा ट्रम्पले हिलारी क्लिन्टनलाई हराउँदै फ्लोरिडा राज्य जित्नु भयो । ६७ वर्षीय वाइल्स दिवंगत फुटबल खेलाडी र प्रसारक प्याट समरालकी छोरी हुनुहुन्छ ।