दसैँको दुई दिनमा हवाईयात्रा : बिदेश जाने र नेपाल फर्कनेको संख्या ३१ हजार नाघ्यो

नेपाल डेस्क

---

प्रकाशित मिति : आश्विन २६, २०८१ शनिबार

काठमाडौंमा रहेको एयरपोर्ट

बडादसैँको २ दिन त्रिभुवन अन्तर्राष्ट्रिय विमानस्थल भएर कुल ६३ हजार २ सय ४२ जनाले हवाई यात्रा गरेका छन् ।

असोज २४ गते फूलपाती र २६ गते महाअष्टमी÷महानवमीमा आन्तरिक र अन्तर्राष्ट्रिय दुवैगरी ६३ हजारभन्दा बढीले हवाई यात्रा गरेका हुन् ।

त्रिभुवन अन्तर्राष्ट्रिय विमानस्थलका प्रवक्ता रिञ्जी शेर्पाका अनुसार असोज २४ गते आन्तरिकतर्फ दुईतर्फी गरेर ३ सय १ उडानमार्फत १७ हजार ३ सय २९ र असोज २५ गते २ सय ७८ उडानबाट १४ हजार ४ सय ३६ गरी कुल ३१ हजार ७ सय ६५ ले आन्तरिक उडानमा हवाई यात्रा गरेका छन् ।

यस्तै अन्तर्राष्ट्रियतर्फ असोज २४ गते दुईतर्फी १ सय ७ उडानमार्फत १६ हजार ५ सय नौ र असोज २५ गते पनि १ सय सात उडान हुँदा १४ हजार ९ सय ६८ गरी कुल ३१ हजार ४ सय ७७ ले हवाईयात्रा गरेको विमानस्थल कार्यालयले जनाएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यो उडान र यात्रु सङ्ख्या आगमन र प्रस्थान दुवैको हो । यसअघि यही असोज १४ गते एकैदिन आन्तरिक उडान र अन्तर्राष्ट्रिय उडान गरी ५ सय ५९ उडान भएका थिए ।

ती उडानमार्फत सोही दिन ३५ हजार ७ सय चार जनाले हवाईयात्रा गरेका छन् । यही असोज ११ र १२ गतेको अबिरल वर्षाका कारण मुलुकका विभिन्न स्थानमा बाढी पहिरोले सडक सञ्जाल अवरुद्धहुँदा हवाई उडानमा चाप भएको थियो ।

अन्तर्राष्ट्रिय विमानस्थलमा आन्तरिक र अन्तर्राष्ट्रिय दुवै उडान चाप बढेपछि विमानस्थलको टर्मिनल भवना यात्रुको खचाखच भीडभाड थियो । अहिले हवाई उडान सामान्य बन्दै गएको विमानस्थल कार्यालयले जनाएको छ । यही असोज १३, १४, १५ र १६ गते हवाई उडान चाप बढेको थियो ।