प्रधानमन्त्री निवासबाट प्रर्दशनकारीले लुटे शेख हसिनाको ‘सारीदेखि भित्रिवस्त्र’सम्म

खसोखास रिपोर्टर

---

प्रकाशित मिति : श्रावण २२, २०८१ मंगलबार

Bangladesh Protests Photo Gallery

बंगलादेशमा व्यापक हिंसात्मक प्रदर्शन भएपछि शेख हसिनाले सोमबार प्रधानमन्त्री पदबाट राजीनामा दिन बाध्य बनिन् । राजीनामा दिएपछि शेख हसिना सिधै भारत पुगिन्, जहाँ उनलाई सुरक्षित स्थानमा राखिएको छ । स्रोतका अनुसार बंगलादेशको सेनाले शेख हसिनालाई देश छोड्न ४५ मिनेट मात्र दिएको थियो ।

शेख हसिना आफ्नी बहिनी शेख रिहानासँग प्रधानमन्त्री निवासबाट निस्कँदा उनीसँग चारवटा सुटकेस मात्रै थिए । तर, शेख हसिनाले देश छोडेपछि प्रधानमन्त्री निवासमा विद्यार्थीहरुले उत्पात मच्चाए । प्रधानमन्त्री निवास भित्रका तस्विर र भिडियो अहिले सामाजिक सञ्जालहरुमा भाइरल भइरहेका छन् ।

शेख हसिनाको प्रस्थानको खबर सुनेपछि प्रदर्शनकारीहरू प्रधानमन्त्रीको सरकारी निवास गणभवनको गेटमा तोडफोड गरी भित्र पसे। सामाजिक सञ्जालमा भएका तस्बिरहरूमा प्रदर्शनकारीहरू घरभित्र देखिएका छन्। कोही प्रधानमन्त्रीको सुत्ने कोठामा ओछ्यानमा पल्टिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

केही प्रदर्शनकारी कार्यालयभित्रै टेबुलमा बसेर फोटो खिचेर फाइल फाले भने केही प्रदर्शनकारीले प्रधानमन्त्री निवास भित्रबाट सामान चोर्न थाले ।

प्रधानमन्त्री निवासभित्र पसेका प्रर्दशनकारीहरुले पंखा, कुर्सी, गद्दा, सोफा समेत खोसेर हिँडेको धेरै भिडियोहरु सार्वजनिक भएका छन् ।

कतिपयले प्रधानमन्त्री निवासभित्र पालिएका जनावर र माछासमेत लगेका थिए ।

बंगलादेशमा सन् २००९ देखि प्रधानमन्त्री शेख हसिना सत्तामा थिइन् । तर, गत महिना विद्यार्थीहरूले देशमा रोजगारीमा आरक्षणको विरोधमा आन्दोलन सुरु गरे, जसका कारण उनी देश नै छाड्न बाध्य भइन् ।