१७ वर्षपछि भारतले इतिहास रचेपछि विराटले लिए टि-२० अन्तर्राष्ट्रिय क्रिकेटबाट सन्यास
प्रकाशित मिति : असार १५, २०८१ शनिबार
India’s Virat Kohli plays a shot during the ICC Men’s T20 World Cup final cricket match between India and South Africa at Kensington Oval in Bridgetown, Barbados, Saturday, June 29, 2024. (AP Photo/Ricardo Mazalan)
भारतले शनिबार भएको रोमाञ्चक फाइनलमा दक्षिण अफ्रिकालाई ७ रनले पराजित गर्दै १७ वर्षको लामो अन्तरालपछि दोस्रो पटक टी–२० विश्वकपको उपाधि जितेर इतिहास रचेको छ ।
सात विकेटमा १७६ रनको चुनौतीपूर्ण स्कोर बनाएपछि भारतले दक्षिण अफ्रिकाको चुनौती आठ विकेटमा १६९ रनमा सीमित गर्यो।
हार्दिक पाण्ड्याले २० रनमा ३ विकेट लिए भने जसप्रित बुमराह र अर्शदीप सिंहले २/२ विकेट लिएर भारत अन्ततः च्याम्पियन बनेको थियो ।
सन् २००७ मा महेन्द्र सिंह धोनीको कप्तानीमा भारतले पहिलो टी–२० विश्वकप जितेको थियो ।
यो जितसँगै विराट कोहलीले टी–२० अन्तर्राष्ट्रिय क्रिकेटबाट सन्यासको घोषणा गरेका छन् ।
विराट कोहलीले दक्षिण अफ्रिकाविरुद्ध खेलेको फाइनल खेल आफ्नो टी–२० करियरको अन्तिम खेल भएको र यो नै उनको अन्तिम टी–२० विश्वकप भएको बताएका छन् ।