भारतमा मोदीले प्रधानमन्त्रीको रुपमा तेश्रो कार्यकाल सम्हाल्ने , लोकप्रियता भने घट्दै
प्रकाशित मिति : जेष्ठ २२, २०८१ मंगलबार
भारतमा नरेन्द्र मोदीले प्रधानमन्त्रीको रुपमा तेश्रो कार्यकाल सम्हाल्ने संभाबना बढेर गएको छ ।
भारतिय जनता पार्टी नेतृत्वको गठबन्धनले वहुमत जुटाएपछि मोदी तेश्रो कार्यकालको लागि प्रधानमन्त्री बन्ने निश्चित भएको हो । यद्यपी भारतीय जनता पार्टी एक्लैको आवश्यक बहुमत सिट २७२ भने आएन ।
४०० भन्दा बढि सिटमा जित हात पार्ने बताइरहेको भाजपा ३०० सिट भित्रै समेटियो । राहुल गान्धीले नेतृत्व गरेको इण्डिया गठबन्धनले मोदीको प्रभाव बिस्तार गर्ने योजनालाई गतिलो संगै धक्का दिएको छ । इण्डिया गठबन्धन २३० को हाराहारीमा समेटिने निश्चित जस्तै भएको छ । भारतको लोकसभा ५४३ सिटको रहेको छ ।
२०१९ को लोकसभा चुनावमा प्राप्त गरेको भन्दा कांग्रेसले झण्डै दोव्वर सिटमा जित हात पारेको छ । राहुल गान्धी केरलाको बायनाड र उत्तर प्रदेशको रायबरेली सिटबाट भारी मतको अन्तरले बिजयी भएका छन ।
प्रधानमन्त्री नरेन्द्र मोदी बिजयी भएपनि उहाँको लोकप्रिय मत भने घटेको छ । भाजपाका अमित साह गुजरातको गान्धिनगर सिटबाट रेकर्ड मत अन्तर सहित बिजयी हुनुभएको छ । अघिल्लो चुनावमा राहुल गान्धीलाई हराएर चर्चामा आएकी स्मृति इरानी अमेठी सिटमा भारी मतअन्तरले कांग्रेस उम्मेदवार संग पराजित हुनुभयो ।
मोदीको घट्दो लोकप्रियता
पछिल्लो दुई लोकसभा चुनावमा एकल बहुमत ल्याएको भाजपाले यो पटक मोदीकै नाममा चुनाव लडेको थियो । सरकार गठनका लागि २७२ सिट भए पुग्ने भएपनि ४०० पारको नारा दिएर गठबन्धनलाई दुई तिहाई बहुमत मागेको थियो ।
अर्थात भाजपा एक्लैले ३७० र बाँकी सिट गठबन्धनका अरु दलबाट अपेक्षा गरेको थियो । २०१४ मा २८२ सिट जितेको भाजपाले २०१९ मा ३०३ सिट जितेको थियो । एनडीए गठबन्धनले भने क्रमशः ३३६ र ३५३ सिट जितेको थियो ।
तर यसपटक भाजपाले संसदमा बहुमत गुमाउने निश्चित भएको छ । मोदीको घट्दो लोकप्रियता उनकै निर्वाचन क्षेत्र बाराणासीको नतिजाले पनि देखाउँछ ।
सुरुवाती रुझानमा त मोदी आफैं पछाडि पर्नुभएको थियो । तर १ लाख ५० हजारभन्दा बढी मतान्तरले कांग्रेसका अजय राईलाई पराजित गर्दै सांसद चुनिनु भयो । मोदीले चुनाव त तेस्रो पटक जिते, तर उहाँको मतान्तर ३ लाखभन्दा बढी घटेको छ ।
मोदीले ६ लाख १२ हजार ९७० मत पाउँदा राईले ४ लाख ६० हजार ४५७ मत पाउनु भएको छ । २०१९ मा मोदी ४ लाख ७९ हजार ५०५ मतान्तरले विजयी हुनु भएको थियो ।
उहाँले ६ लाख ७४ हजार ६६४ अर्थात कुल मतको ६३ प्रतिशत पाउँदा निकतमत प्रतिद्वन्द्वी समाजवादी पार्टीकी शालिनी यादवले १ लाख ९५ हजार १५९ मत पाउनु भएको थियो । कांग्रेसका राईले १ लाख ५२ हजार बढी मत पाउनु भएको थियो ।
सन् २०१४ मा पनि मोदीको मतान्तर ३ लाख ७१ हजारभन्दा बढी थियो । त्यो चुनावमा मोदीले कुल ५ लाख ८१ हजार ०२२ मत पाउनु भएको थियो ।, जुन कुल मतदताको ५६ प्रतिशत हो ।
आम आद्मी पार्टीका अरविन्द केजरीवालले जम्मा २ लाख मत पाउँदा कांग्रेसका अजय राईले जम्मा ७५ हजार ६१४ मत ल्याउनु भएको थियो ।