इजरायली ट्याङ्कहरूद्धारा रफाहको अल–अव्दा कब्जा
प्रकाशित मिति : जेष्ठ १५, २०८१ मंगलबार
इजरायली ट्याङ्कहरूले रफाहको अल–अव्दा कब्जा गरेका छन् । रफाहका स्थानीय पत्रकारहरूले यसको पुष्टि गरेका छन् । अल–अवदालाई रफाह सहरको मुटु भनिन्छ ।
बैंक, सरकारी संस्था र व्यापारको दृष्टिकोणबाट उक्त क्षेत्र धेरै महत्वपूर्ण छ । इजरायली सेनाले प्यालेस्टाइन–इजिप्ट सीमाको दक्षिणी भागमा करिब आधा किलोमिटर क्षेत्र कब्जा गरेको छ ।
शहरको पश्चिमी भागमा रहेको एमिराती अस्पतालमा आफ्नो परिवारसँग आश्रय लिएका एक विस्थापित व्यक्तिले भने कि सैनिकहरूले भवनको माथि कब्जा गरेका छन् ।
हमासद्वारा सञ्चालित स्वास्थ्य मन्त्रालयले गाजामा इजरायली आक्रमणमा गत २४ घण्टामा ४६ प्यालेस्टाइनीको मृत्यु भएको र ११० जना घाइते भएको बताएको छ ।
अक्टोबर ७ यता इजरायली आक्रमणका कारण ३६ हजार ९६ जना प्यालेस्टाइनीको मृत्यु भएको छ । रफाह सहर बाहेक इजरायली सेनाले उत्तरी र मध्य गाजामा पनि सैन्य कारबाही गर्ने पुष्टि गरेको छ ।