आईपीएलमा चेन्नईंको विजयी सुरुवात, पहिलो खेलमा आरसीबीलाई ६ विकेटले हरायो
प्रकाशित मिति : चैत्र ९, २०८० शुक्रबार
Chennai Super Kings’ Ravindra Jadeja, center, dives to field the ball during the Indian Premier League cricket tournament match between Chennai Super Kings and Royal Challengers Bengaluru in Chennai, India, Friday, March 22, 2024. (AP Photo/R. Parthibhan)
डिफेन्डिङ च्याम्पियन चेन्नई सुपर किंग्सले आईपीएल २०२४ मा विजयी सुरुवात गरेको छ ।
नयाँ कप्तान रुतुराज गायकवाडको नेतृत्वमा रहेको सीएसकेले सिजनको उद्घाटन खेलमा आरसीबीलाई ६ विकेटले हराएको हो ।
चेपौक स्टेडियम, चेन्नईमा टस जितेर ब्याटिङ गरेको आरसीबीले २० ओभरमा ६ विकेट गुमाएर १७३ रन बनाएको थियो । अनुज रावतले सर्वाधिक ४८ रन बनाए । विराट कोहलीले २० बलमा २१ रन मात्र बनाउन सके । मुस्ताफिजुर रहमानले ४ विकेट लिए ।
जवाफमा चेन्नईले १८.४ ओभरमा ४ विकेट गुमाएर लक्ष्य पूरा गर्यो । चेन्नईका शिवम दुबेले ३४ र रविन्द्र जडेजाले २५ बनाउदैँ अविजित रहे ।