कुबेतमा कारको ठक्करबाट ३ नेपाली युवाको ज्यान गयो
प्रकाशित मिति : चैत्र १, २०८० बिहीबार
कारको ठक्करबाट कुबेतमा ३ नेपालीले ज्यान गुमाएका छन । महाबुल्ला क्षेत्रको सिसाइड रोडमा भएको दुर्घटनामा ३ नेपालीहरुले ज्यान गुमाएका हुन ।
नेपाली दुतावास कुबेतका प्रथम सचिव तथा सुचना अधिकारी प्रेमराज गौतमका अनुसार मंगलवार बिहान ५ बजेतिर कारले ठक्कर दिदा धनुषाका धिरज गुर्मछाम मगर , अछाम पञ्चदेवल विनायक ५ का सुजन कार्की र काठमाण्डौ सानो भर¥याङ्गका सुजन कार्कीको मृत्यु भएको हो । उहाँका अनुसार परिवार र कम्पनीसंगको सम्पर्कमा रहेर शवहरु नेपाल पठाउने तयारी भइरहेको छ ।
हवालीमा बस्दै आएका सुजन कार्की र धिरज गुर्मछान मगर सोमवार राति महाबुल्ला बस्ने साथी सुरतलाई भेट्न पुगेका थिए । मंगलबार बिहान ड्युटीका लागि आफ्नो कोठामा फर्किने क्रममा सुरत उनीहरुलाई बस चढाउन आएका थिए । तीनै जनालाई सोही बेलामा कारले ठक्कर दिएको थियो ।
ठक्करबाट उनीहरुको घटनास्थलमै मृत्यु भएको हो । कार चालक कुवेतका नागरिकलाई नियन्त्रणमा लिएर अनुसन्धान थालिएको कुबेती प्रहरीलाई उदृत गर्दै त्यहा स्थित नेपाली दुतावासले जनाएको छ ।
