न्युयोर्कको क्वीन्समा एफ ट्रेन स्टेशनमा २० बर्षीय महिलाको बलात्कार प्रयास, आक्रमणकारी फरार
प्रकाशित मिति : फाल्गुन १७, २०८० बिहीबार
न्युयोर्कको क्वीन्समा एफ ट्रेन स्टेशनमा बलात्कार प्रयास गर्ने फरार आक्रमणकारीकोको। प्रहरीले खोजी गरिरहेको छ । उक्त व्यक्तिले गत शनिबार क्वीन्स सबवे स्टेशन भित्र एक महिलालाई बलात्कारको प्रयास गरेको प्रहरीले जनाएको छ ।
क्वीन्स जाने एफ ट्रेनबाट बाहिर निस्केपछि १६९ औं स्ट्रिट सबवे स्टेशनमा एक २० वर्षीया महिलालाई उक्त पुरुषले पछ्याएको तथा महिलाको अनुहारमा धेरै पटक मुक्का हानेर उनलाई भुइँमा लडाएको अधिकारीहरुले जनाएका छन् । त्यसपछि उक्त व्यक्तिले महिलाको लुगा खोल्न खोजेको आरोप लगाइएको प्रहरीले जनाएको छ।
घटना राती १२ बजेर १० मिनेटमा भएको थियो । ती महिला चिच्याएपछि एक सुरक्षा गार्डले हस्तक्षेप गरेका थिए । महिलाले बलात्कार प्रयास गर्ने आक्रमणकारीको प्रतिरोध गरेकी थिइन् ।
WANTED ATTEMPTED RAPE:2/24/24 @NYPD107pct
an unknown individual followed the victim exiting a Queens-bound train entering the 169 St station. The individual assaulted the victim, knocked her to the ground & attempted to remove her clothing. ANY INFORMATION CALL 1-800-577-TIPS pic.twitter.com/h6mBGldP8I— NYPD Crime Stoppers (@NYPDTips) February 29, 2024
आक्रमणकारी सबवे स्टेशनबाट १६८ औं प्लेसतर्फ भागेको प्रहरीले जनाएको छ। अधिकारीहरूका अनुसार पीडितलाई उनको चोटपटकको लागि स्थानीय अस्पताल लगिएको थियो ।
प्रहरीले आक्रमणकारी ५ फिट १० इन्च अग्लो भएको बताएको छ । अन्तिम पटक सेतो ट्याङ्क टप, हल्का नीलो हुड भएको स्वेटसर्ट, कालो प्यान्ट र सुन्तला र सेतो स्नीकर लगाएको देखिएको प्रहरीले जनाएको छ । कतै देखेमा प्रहरीलाई खबर गर्न अनुरोध गरिएको छ ।