५ पटक देशनिकाला भएकाले चलाएको गाडीको ठक्करबाट टेक्सासमा १० बर्षका बालकको मृत्यु
प्रकाशित मिति : फाल्गुन ५, २०८० शनिबार
पहिले अमेरिकाबाट ५ पटक देशनिकालका गरिएका एकजना कागजपत्रविहिन आप्रवासीले चलाएको ट्रकको ठक्करबाट टेक्सासमा एक १० वर्षीय बालकको मृत्यु भएपछि चालकविरुद्ध अभियोग दर्ता गरिएको छ । बालकलाई ठक्कर दिएपछि चालक घटनास्थलबाट भागेका थिए ।
५० वर्षीय रोजेलियो ओर्टिजलाई गत हप्ता मिडल्याण्ड प्रहरीले गिरफ्तार गरेको थियो । फेब्रुअरी ८ को दिउँसो बालकलाई कालो ट्रकले ठक्कर दिएको आरोपमा उनीमाथि हिट एन्ड रन दुर्घटनाको आरोप लगाएको थियो। मिडल्याण्डको साउथ लामेसा रोडको १९०० ब्लकमा उक्त घटना भएको थियो, जुन सान एन्टोनियोको ३२० माइल उत्तरपश्चिममा छ।
एलेक्स वाइज नाम गरेका ती बालकलाई गम्भीर अवस्थामा अस्पताल पुर्याइएको थियो । तर भोलिपल्ट चोटबाट उनको मृत्यु भएको थियो । चालक ओर्टिज विगतमा अध्यागमन हिरासतमा थिए र कम्तिमा पाँच पटक देशनिकाला गरिएको थियो । पहिलो पटक देशनिकालाका क्रममा लिइएको औंठाछापबाट उनको पहिचान पुष्टि भएको थियो।
मिडल्याण्ड काउन्टी प्रहरीको वेबसाइटका अनुसार ओर्टिजले मादक पदार्थ सेवन गरेर गाडी चलाएको अभियोगको पनि सामना पनि गरिरहेका छन् । तर त्यही घटनाका बेला हो वा अन्य बेलामा हो भन्ने प्रष्ट छैन ।