क्यानडामा दुर्घटनामा २ विद्यार्थीको मृत्युपछि मधु थापा मगरविरुद्ध आधादर्जन गम्भिर अभियोग

खसोखास अमेरिका ब्यूरो

---

प्रकाशित मिति : फाल्गुन ३, २०८० बिहीबार

क्यानडामा भएको दुर्घटनामा २ विद्यार्थीको मृत्युपछि प्रहरीले गाडी चालक मधु थापा मगरविरुद्ध आधादर्जन अभियोग लगाएको छ । मंगलबार बिहान मिडलसेक्स सेन्टरमा तीनवटा गाडी दुर्घटना हुँदा दुई जनाको ज्यान गएपछि २६ वर्षीया युवाले करिब आधा दर्जन अभियोगहरुको सामना गरिरहेका छन्। लापरवाहीपूर्वक गाडी चलाएका कारण २ जनाको ज्यान गएको र ३ जना गम्भिर घाइरते भएको अभियोग उनीविरुद्ध लगाइएको छ ।

दुर्घटनापछि १० जनालाई अस्पतालमा लगिएको थियो भने २३ २६ बर्षका २ जना नेपाली विद्यार्थीहरुको दुर्घटनाका कारण मृत्यु भएको थियो। अन्य ८ जनाको अवस्थाबारे केही जानकारी नगराइएपनि ३ जनाको अवस्था गम्भिर रहेको जनाइएको छ । मिडलसेक्स काउन्टी ओन्टारियो प्रोभिन्सल पुलिसले बुधबार मधु थापा मगर विरुद्धका अभियोगहरुको घोषणा गरेको हो । जसमा २ वटा अभियोगहरु खतरनाक तरिकाले गाडी चलाएका कारण २ जनाको मृत्यु भएको छन् भने ३ वटा खतरनाक तरिकाले गाडी चलाएका कारण ३ जना घाइते भएको अभियोगहरु छन् । उनलाई धरौटी तोकेर हिराशतमा राखिएको छ ।

खतरनाक तरिकाले गाडी चलाएका कारण ज्यान गएको अभियोग लगाइनु गाडी दुर्घटनाका सन्दर्भमा सबैभन्दा गम्भीर आरोप हो । दोषी ठहरिएमा यसले अधिकतम आजीवन कारावास र जरिवाना हुनसक्छ । त्यस्तै खतरनाक तरिकाले गाडी चलाएका कारण घाइते भएको अभियोगमा चोटपटकको गम्भीरताका आधारमा विभिन्न सजायहरु हुनसक्छ । दुर्घटनापछि टेन माइल र इल्डरटन रोड बीचको हाइबरी एभिन्यू नौ घण्टाको लागि बन्द गरिएको थियो ।

यसैबीच क्यानडामा रहेको नेपाली दूतावासले ओन्टारियोमा भएको दुर्घटनामा २ जना नेपाली बिद्यार्थीहरूको दुःखद निधन भएकोमा गहिरो शोकसहित मृतकप्रति श्रद्धाञ्जली व्यक्ति गर्दै दिवङ्गत आत्माको चिरशान्तिको कामना गरेको छ । दुर्घटनामा घाइते अन्य बिद्यार्थीहरुको शीघ्र स्वास्थ्य लाभको कामना गर्दै दूतावासले दुखद घडीमा शोकसन्तप्त परिवार तथा आफन्तजनप्रति समवेदना प्रकट गरेको छ । नेपाली राजदूतावास, एनआरएनए क्यानडा, अन्य सामाजिक अभियन्ता, संघसंस्थाहरु तथा क्यानडाका सम्बन्धित निकायहरुको समन्वयमा छिट्टै शब नेपाल फर्काउने प्रयास भइहेको दूतावासले जनाएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

दुर्घटनामा पर्नेहरू सबैजना उच्च शिक्षा अध्ययन गर्न पुगेका नेपालीहरू हुन् । मृत्यु हुनेमा सिन्धुपाल्चोकका युवक र सोलुखुम्बुको युवती रहेको जनाइएको छ ।
मृत्यु भएका एकजना किचेनरको कोनेस्टोगा कलेजमा अर्का फेन्सअ अलेजमा अध्ययनरत थिए । स्थानीय एक मोटर पार्ट्स कम्पनीमा आंशिक समय कार्यरत उनीहरू बिहानीको ड्युटी गर्नका लागि उज्यालो नहुँदै कारमा कार्यस्थलतर्फ गइरहेका बेला दुर्घटना भएको जनाइएको छ । उनीहरु दुई वर्षअघि क्यानडा आएका थिए ।