Follow @khasokhasmag

गलत विवरण बुझाउनेको अमेरिकी नागरिकता खोस्न अदालतको आदेश


प्रकाशित मिति : भाद्र ९, २०७४ शुक्रबार

नक्कली अध्यागमन अधिकारी बनेर अमेरिकाका कागजपत्रविहिनहरुलाई तर्साउने एक महिलाको अमेरिकी नागरिकता नै खोसिएको छ । कागजपत्रविहिनहरुलाई तर्साउने र जालसाजी गर्ने एक मेक्सिकन महिलाको अमेरिकी नागरिकता नै खोसिएको अमेरिकी सरकारको डिपार्टमेन्ट अफ जस्टिसले जनाएको छ ।

५३ बर्षकी आर्सेली मार्टिनेजलाई अमेरिकी अदालतले अमेरिकी नागरिकता र त्यससँग सम्बन्धित सबै सुविधाहरु त्याग्न निर्देशन दिएको छ । डिपार्टमेन्ट अफ जस्टिस सिभिल डिभिजन र इमिग्रेशन एण्ड कस्टम इन्फोर्समेन्टका वकिलहरुले सेन्ट्रल डिस्ट्रिक्ट अफ क्यालिफोर्नियामा दायर गरेको मुद्दा उपर न्यायाधिस आर ग्रे ग्लाउस्नरले यस्तो आदेश दिएका हुन् ।

अमेरिकी नागरिकता लिने क्रममा जालसाजी गरेकाहरुका सन्दर्भमा पनि अमेरिकी सरकारले अनुसन्धान गर्ने र त्यस्ता व्यक्तिलाई खोजेर न्यायको कठघरामा उभ्याइने आइसका निर्देशक थोमस होम्यानले एक बक्तब्यमार्फत जनाएका छन् । नक्कली सरकारी अधिकारी बनेर जालसाजीमा संलग्न हुनेहरुलाई कारवाहीको भागिदार बनाउन आइसले निरन्तर काम गर्ने उनले जनाएका छन् ।

मार्टिनेजले सन् २०११ को जुनदेखि सन् २०१२ को मार्चसम्म नक्कली इमिग्रेशन अफिसर बनेर कागजपत्रविहिनहरुबाट रकम उठाएकी थिइन् । त्यहीबेला उनी अमेरिकी नागरिकता लिने क्रममा थिइन् । र नागरिकता प्राप्त गर्दा उनले आफुले कहिले पनि अपराध नगरेको कसम खाएकी थिइन् । त्यसपछि उनले सन् २०१२ को अप्रिलमा अमेरिकी नागरिकता प्राप्त गरेकी थिइन् । तर उनलाई लस एन्जलस प्रहरीले गिरफ्तार गरेर जालसाजी गरेको अपराधमा ३२ महिना जेल हालेको थियो ।

अमेरिकी अध्यागमन कानुन अनुशार अमेरिकामा अध्यागमन सुविधा लिनका लागि झूठो बयान दिनेहरुलाई कारवाहीको व्यवस्था गरिएको छ । हालै सर्बोच्च अदालतले नागरिकता नै खारेज हुनसक्ने प्रकारका गलत विवरणमा सिमितता कायम गरेपनि मार्टिनेजको सन्दर्भमा भने नागरिकता खारेज हुनसक्ने प्रसस्त प्रमाण रहेको अदालतले जनाएको छ ।

नागरिकता प्राप्त गर्ने बेलामा झुठो विवरण पेश गर्नेहरुको आफूहरुले आक्रमक तरिकाले खोजि गरिरहेको जस्टिस डिपार्टमेन्टका सिभिल डिभिजनमा कार्यरत कार्यवाहक उप महान्यायाधिवक्ता चाड ए रेड्लरले जनाएका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com