टेक्सासमा कार दुर्घटनामा निधन भएका गुरुङको ४ हप्तापछि अमेरिकामा नै दाहसंस्कार गरिने
प्रकाशित मिति : पुस १९, २०८० बिहीबार
टेक्सासमा कार दुर्घटनामा निधन भएका श्री गुरुङको ४ हप्तापछि अमेरिकामा नै दाहसंस्कार गरिने भएको छ । नेपालमा रहेका परिवारले भिसा लिन प्रयास गर्दा असफल भएपछि परिवारको सहमतिमा गुरुङको अमेरिकामा नै दाहसंस्कार गरिने ग्रेटर अष्टिन नेपाली सोसाइटीले जनाएको छ ।
नेपालको रुकुमका ३१ बर्षीय गुरुङ टेक्सासको अस्टिन शहरमा बस्दै आउका थिए । गत डिसेम्बर ९ मा बेलुका साढे ९ बजेतिर कामबाट कोठामा फर्कने क्रममा उनको कार दुर्घटनामा निधन भएको थियो ।
करिव ८ महिना अघि मात्र आएका श्री गुरुङको परिवारमा नेपालमा श्रीमती, २ छोराहरु र बुबा रहेका छन् । उनको दाहसंस्कार जनवरी ७ आइतबार प्रोभिडेन्स जोन्स फेमिली फ्युनरल होममा दिउसो १२ बजे गरिने भएको छ ।