अमेरिका आएको एकमहिनामा समुन्द्रमा डुबेका प्रविन पौडेल अचेत, गोफण्डमीमा फण्डरेज
प्रकाशित मिति : कार्तिक २, २०८० बिहीबार
अमेरिका आएको एकमहिनामा नै समुन्द्रमा डुबेका प्रविन पौडेलको अझै पनि अचेत अवस्थामा उपचार भइरहेको छ । टस्कीगी युनिभर्सिटीमा अध्ययनका लागि गत अगस्तमा अमेरिका आएका पौडेल सेप्टेम्बरमा समुन्द्रमा डुबेका थिए ।
गत सेप्टेम्बर ३० मा फ्लोरिडाको पानामा सिटी बीचमा समुन्द्रमा पौडिने क्रममा ठूलो छाल आएका कारण उनी डुबेको गोफण्डमीमा जनाइएको छ । त्यसयता उनी पानामा सिटीको एसेन्सन सेक्रेड अस्पतालमा बेहोस अवस्थामा उपचाररत छन् ।
टुस्केगी विश्वविद्यालयका प्रोफेसर र डीन डा. नर गुरुङ र डा. चन्ना प्रकाशले प्रवीणको मेडिकल बिल तिर्न मद्दत गर्न र नेपालबाट प्रवीणकी आमा तथा भाइको यात्रा खर्चका लागि गोफण्डमीमा फण्डरेज सुरु गरेका छन् ।
तपाई पनि सहयोग गर्न चाहनुहुन्छ भने यहाँ क्लीक गर्नुहोला ।
प्रविणकी आमा एकदमै सीमित साधन श्रोत भएकी एकल आमा रहेको तथा उनीहरूको यात्राको लागि तिर्न र चिकित्सा खर्च कभर गर्न कुनै स्रोत नभएको भन्दै प्रवीण र आमालाई सहयोग गर्न अपिल गरिएको छ । प्रविण ७ बर्षको हुँदा उनका बुबाको निधन भएको थियो । प्रविनकी आमा विणु कुमारी आचार्य पौडेलले ८१ बर्षकी सासु तथा पढ्न लेख्न नसक्ने छोरीको हेरचाह गर्नुपरेको छ ।