६८ बर्षिया निर्मला मैनाली न्युयोर्कको क्विन्सबाट बेपत्ता, खोजीमा सघाउन परिवारको अपिल
प्रकाशित मिति : आश्विन २६, २०८० शुक्रबार
६८ बर्षिया निर्मला मैनाली न्युयोर्कको क्विन्सबाट बेपत्ता हुनुभएको छ । निर्मला मैनाली शुक्रबार बिहान ८ बजेतिर साउथ ओजन पार्क स्थित छोरी ज्वाईंको घर १०९-५३ लेफर्टस् बुलुभर्डबाट घर नजिकैको पिएस १०० पब्लिक स्कुल क्षेत्रमा निस्कनु भएको थियो ।
घर फर्कने क्रममा हराउनु भएको पारिवारिक श्रोतले बताएको छ । उहाँ ३ दिन अघि मात्रै कान्छी छोरी, ज्वाईं र नातिनातिलाई भेट्न न्युयोर्क आउनुभएको थियो । उहाँका ज्वाईं सन्तोष पराजुलीका अनुसार निर्मला बिहान ८ बजे मर्निङ वाक जान्छु भनि निस्किनु भएको थियो ।
बेलुकाको ४ बजे सम्म पनि घर नफर्किनु भएपछि खोजी कार्य शुरु गरिएको छ । स्थानिय प्रहरी प्रशासन, अस्पताल र तथा अन्य सार्वजनिक सहयोग निकायहरुलाई यसबारे जानकारी गराइ सकिएको छ ।
निर्मला मैनालीलाई कहिं कतै देख्नुभएमा मनिक्षा मैनाली, सन्तोष पराजुली ३४७.७७१.००५७, भरत पुरी ३४७.५८६.७१२७ अथबा सुमन राउत ९२९.३०२.९८६६ मा सम्पर्क गरि सहयोग गरिदिनु हुन परिवारका तर्फबाट अनुरोध गरिएको छ ।