समाचार लेखेकै भरमा NRNA प्रवक्ताद्धारा पोर्चुगलमा पत्रकार गणेश पाण्डेय कुटिए ,ज्यानमार्ने धम्कि
प्रकाशित मिति : भाद्र २, २०७४ शुक्रबार
पछिल्लो समयमा पोर्चुगलमा नेपालीहरुमाथी ठगी एवं आपराधिक कृयाकलापहरु बढ्दै गैरहेका छन् । सोही बिषयमा समाचार प्रकाशित गर्दा नेपाल पत्रकार महासँघ युरोप शाखा सदस्य पत्रकार गणेश पाण्डेय माथी गैर आवाशिय नेपाली संघ पोर्चुगलका प्रवक्ता हेमराज सुवेदीले कुटपिट तथा दुब्र्यवहार गरेका छन् ।
एन आर एन ए को प्रवक्ता पदको फाइदा उठाउदै विभिन्न गैर कानुनी र अपराधिक कार्यमा संलग्न सुबेदीको बारेमा पाण्डेले धेरै पटक समाचार लेखेका थिए, जस्तै पोर्तुगलमा नया आउने नेपालीहरुलाई ठगि गर्ने, सोसियलको गैर कानुनी खरिदबिक्रि गर्ने (https://www.youtube.com/watch?v=JTIoas7q76U) , नारीमाथिको मानसिक, आर्थिक तथा यौन शोसण , र पछिल्लो समयमा मानब तस्करी तथा नक्कली भिसामा संलग्नता ( http://www.voiceofnepal.net/2017/01/blog-post_19.html)।
घटनाको बारेमा सोधपुछ गर्दा पत्रकार पाण्डेयले खसोखासलाइ भने, म मेरो सानो छोरा युरेक पाण्डेय संग कोलोम्बो मल मा सपिङ्ग गर्न गएका थियौं । सपिङ्ग मलभित्र पुगेपछि एन आर एन ए पोर्तुगलका प्रवक्ता हेमराज सुबेदीले आफ्नो खुट्टाको जुत्ता फुकालेर हातले समाती म माथि बर्षीय। उनले सिधै तथानाम गालि गर्दै तलाई जहाँ देख्यो, तेही मार्छु भन्दै धाक धम्कि दिए। सपिङ्ग मल ब्यस्त थियो, भिडभाडका मान्छेहरु अचम्मित भए। तिनले मलाई हिर्काउदै गए , म पछि सर्दै गए किन कि मेरो साथमा हिजो मात्रै ४ बर्षको जन्मदिन मनाएको कान्छो छोरो र एउटा ठुलो झोला थियो। मैले सुबेदीसँग बिन्ति पनि गरे , हेम जी, म सँग अहिले ४ बर्षको सानो बच्चा छ, कृपया एक्लै भएको बेलमा जे गरे गर्नुस वा तपाइले बोलाएको ठाउमा आउछु। तर उनी मेरो कुरा सुन्न मन्जुर भएनन् लगातार गालीगलौच गर्दै मलाई हिर्काउने र लछारपछार गर्ने कोशिस गरिरहे। मान्छेहरुको भिड बढेपछि उनि त्यहाबाट अगाडी बढे। अलि अगाडी गएर रोकिएका सुबेदी म माथि फेरी जाईलागे। यसपटक हातमा समातेको जुत्ता लगाएर मुक्का र लातले प्रहार गर्नथाले, साथै गालीगलौच र ज्यानमार्ने धम्कि पनि दिएका छन् ।
उनले अगाडी भने ,आफ्नो पेशागत र सामाजिक गर्यादाले गर्दा पनि म सुबेदीले झैँ निच स्तरको गाली गर्ने र हात छोड्ने काम गर्न सक्दिन। मैले कन्चट, छाती र पिठ्युमा पिटाई खाए , कयौ पटक लछारपछार पनि भईयो। मैले ठुलो स्वरमा कराएर सहयोग माग्दा र पुलिस भनेर गुहार माग्दै गर्दा मेरो झोलामा भएको सानो गोप्रो क्यामेरा निकाले र यतिकैमा सुबेदी फरार भएका थिए । यसै क्रममा ४ बर्षको मेरो सानो छोरोलाई पनि चोट लागेको रहेछ। त्यसपछि त्यहाँ पुलिस आए र हामीलाई थप बयानको लागि त्यही सपिङ्ग मलमा भएको पुलिस चौकीमा लगियो जहाँ हाम्रो उजुरी लेखिएको छ ।
उक्त घटनामा पाण्डेयका ४ बर्षिय छोरा को बाया हात सामान्य सुन्निएको तथा डाक्टरको बरफले सेक्ने सल्लाह दिएपछि त्यसो गर्दा हात सोमबार बेलुकासम्म झनै सुन्निएको थियो । अर्कोदिन बिहानै फेरी अस्पताल जाँदा सुन्निएको असामान्य भन्दै डाक्टरले एक्सरे गरेका छन् । त्यसपछि हातमा समस्या देखिएपछि प्लास्टर गरियो र अब कम्तिमा २ हप्ता प्लास्टर राख्नुपर्ने भएको छ ।
पत्रकार पाण्डेय माथी भएको उक्त घटनाकोसर्बत्र बिरोध गरिएको छ भने सामाजिक सञ्जालहरुमा समेत निन्दा गरिएको छ ।