१० बर्षपछि लस एन्जलसमा आइतबार गायक राजु लामाको कन्सर्ट हुँदै, नेपालीहरु उत्साहित
प्रकाशित मिति : श्रावण ४, २०८० बिहीबार
१० बर्षपछि लस एन्जलसमा गायक राजु लामाको कन्सर्ट हुने भएको छ । जुलाई २३ आइतबार बेष्टमिनिष्टर क्यालिफोर्नियामा रहेको मुनलाइट बैंकटमा हुने लाइभ कन्सर्टका लागि सबै तयारी पूरा भइसकेको आयोजकमध्येका एक अमृत महतोले जानकारी दिए । कार्यक्रमका लागि आफूहरु निकै उत्साहित रहेको उनले बताए । कार्यक्रममा २५० भन्दा बढी दर्शकहरु उपस्थीत हुने र उल्लेख्य संख्यामा टिकट बिक्री भइसकेको उनले जानकारी दिए ।
बेलुका ७ बजेदेखि १२ बजेसम्म हुने कन्सर्टमा प्रवेश शुल्क ४० डलर तोकिएको छ । कार्यक्रममा स्थानीय कलाकारहरुले समेत साथ दिने आयोजकले जानकारी दिएका छन् । कार्यक्रमका अन्य आयोजकहरुमा राजेश निरौला, रमेश श्रेष्ठ, जितेन थापा, सुजना श्रेष्ठ, अमृत लुइटेल, महेन्द्र मगर र प्रश्मीता कार्की रहेका छन् । हालै अष्ट्रेलिया र युरोपका विभिन्न सहरमा कार्यक्रमहरु पछि अमेरिकाको लस एन्जलसमा गायक राजु लामाको कन्सर्ट हुन लागेको हो ।
राजु लामा झण्डै ३ दशकदेखि गीतसंगीतमा सकृय रहदै आएका छन् भने मंगोलियन हर्ट श्रृंखला अन्तरगतका उनका गीतहरु निकै चर्चित रहेका छन् । उनले नेपालीबाहेक अन्य भाषामा समेत कैगन गीतहरु गाएका छन् । गतबर्ष उनले जलवायु परिवर्तनबारे जनचेतना जगाउने उद्देश्यले सगरमाथाको समेत सफल आरोहण गरेका थिए । लामाका तिमीलाई देखेर, पर्खाइमा, हल्ला चलेछ, हेर्दा हेर्दै, शायद तिम्रो बाटोमा, ओई नाना, गाजलु टिका, नतानु त तानु लाग्ने जस्ता दर्जनौं गीतहरु हिट रहेका छन् ।