साउदी अरबमा अमेरिकी वाणिज्य दूतावासको भवनबाहिर गोली चल्दा नेपाली सुरक्षागार्डको मृत्यु
प्रकाशित मिति : असार १४, २०८० बिहीबार
साउदी अरेबियाको जेद्दास्थित अमेरिकी वाणिज्य दूतावासको भवन नजिकै गोली चल्दा एक नेपाली सुरक्षागार्डको मृत्यु भएको छ ।
बुधबार अमेरिकी वाणिज्य दूतावासमा कार्यरत नेपाली सुरक्षागार्ड उक्त घटनामा घाइते भएका थिए । घाइते उनको केही समयमा मृत्यु भएको जनाईको छ ।
मक्का क्षेत्रका प्रहरीका अनुसार जेद्दामा अमेरिकी वाणिज्य दूतावास भवनबाहिर आएका एक व्यक्तिले गोली प्रहार गरेका थिए । उनलाई रोक्न पहल गर्दा नेपाली सुरक्षागार्डको निधन भएको हो ।
उनीसँगै अर्का बन्दुकधारीको पनि मृत्यु भएको प्रहरीले जनाएको छ । अमेरिकी विदेश मन्त्रालयका अनुसार यस घटनामा कुनै पनि अमेरिकी अधिकारीलाई क्षति पुगेको छैन ।
विगतमा पनि अमेरिकी वाणिज्य दूतावासमा आक्रमण वा आक्रमणका प्रयासहरू भएका थिए। सन् २०१६ मा उक्त भवननजिकै भएको एउटा बम विस्फोटनमा दुईजना आत्मघाती आक्रमणकारीहरूको ज्यान गएको थियो भने दुई जना घाइते भएका थिए।
सन् २००४ मा बम र बन्दुक बोकेका पाँच जनाले उक्त भवनभित्र धावा बोलेका थिए। त्यस क्रममा बाहिर चार साउदी सुरक्षाकर्मी र भित्र चार कर्मचारीको मृत्यु भएको थियो। तीन आक्रमणकारीको पनि ज्यान गएको थिए भने दुई जना पक्राउ परेका थिए।