एयर इन्डियामा अर्को काण्ड, मध्यउडानमा विमानको भुइँमा दिशापिसाव गर्ने यात्रु पक्राउ
प्रकाशित मिति : असार १३, २०८० बुधबार
एक व्यक्तिलाई एयर इन्डियाको उडानमा घृणित व्यवहार गरेको भन्दै पक्राउ गरिएको एयरलाइनले पुष्टि गरेको छ । यात्रुले विमानको भुइँमा दिशा गरेको समाचार बाहिर आएको थियो । टाइम्स अफ इन्डिया र द इन्डिपेन्डेन्टका अनुसार शनिबारको उडान मुम्बईबाट दिल्ली जाँदै गर्दा यात्रुले विमानको भुइँमा पिसाब र दिशा गरेका थिए ।
एयर इन्डियाका प्रवक्ताले एक यात्रुले अपमानजनक व्यवहार गरेको र अन्य यात्रुहरूलाई असुविधाको अवस्था ल्याएको बताउका छन् । एयरलाइन्सले घटनाको विस्तृत विवरण भने पुष्टि गरेको छैन।
क्याप्टेनलाई घटनाबारे जानकारी दिनुअघि चालक दलका अन्य सदस्यले ती व्यक्तिलाई देखेर चेतावनी दिएका थिए । त्यसपछि ती यात्रुलाई अन्य यात्रुहरूबाट टाढा राखिएको थियो । विमानमा आएको स्थितिले विमानमा सवार अन्य धेरै यात्रुहरूलाई विचलित बनाएको थियो ।
जब विमान दिल्ली आइपुग्यो, ती व्यक्तिलाई एयरलाइन सुरक्षाले पक्राउ गरेको थियो । त्यसपछि स्थानीय पुलिस स्टेशनमा बुझाइएको थियो । उक्त व्यक्तिले मादक पदार्थ सेवन गरेको जनाइएको छ ।
फ्लाइट क्याप्टेनको उजुरीमा दिल्ली पुलिसले आईजीआई पुलिस स्टेशनमा मुद्दा दर्ता गरेको र आरोपी यात्रुलाई पक्राउ गरेको दिल्ली पुलिसका एक वरिष्ठ अधिकारीले बताएका छन् । उक्त यात्रुलाई अदालतमा पेश गरेपछि अदालतले उनलाई जमानत दिएको छ । घटनाबारे थप अनुसन्धान भइरहेको प्रहरीले बताएको छ ।
एक यात्रुले अर्की महिला यात्पित्रुमाथि पिसाब गरेपछि जनवरीमा एयर इन्डियालाई देशको उड्डयन नियामकले ३७ हजार डलर जरिवाना गरेको थियो । तीन महिनाको लागि पाइलटको लाइसेन्स पनि निलम्बन गरिएको थियो ।