टेक्सासमा अत्याधिक गर्मी, केही स्थानमा तापक्रम १२५ डिग्री फरेनहाइट, विद्युत आपूर्तिमा अवरोध
प्रकाशित मिति : असार ९, २०८० शनिबार
दशौं हजार मानिसहरू बिजुली र एयर कन्डिशनको अभावमा रहेको बेला टेक्सासमा रेकर्ड तोड्ने गर्मीको लहर तेस्रो हप्तामा प्रवेश गरेको छ । अमेरिकामा ४ करोडभन्दा बढी मानिस गर्मीको चेतावनीमा छन्। टेक्सासका शहरहरूमा गर्मीले अहिलेसम्मकै रेकर्डहरु तोडेको छ । जसले तापमान र आर्द्रता संयोजन गर्दछ।
कर्पस क्रिस्टीमा तापक्रम १२५ डिग्री फरेनहाइट अर्थात् ५१ डिग्री सेल्सियस पुगेको थियो भने रियो ग्रान्डे भिलेजमा ११८ डिग्री फरेनहाइट अर्थात् ४७ डिग्री सेल्सियस पुगेको थियो । डेल रियोमा तापक्रम ११५ डिग्री फरेनहाइट पुगेको थियो । न्यु मेक्सिको, लुजियाना, अर्कान्सास, कन्सास र मिजौरी लगायतका राज्यहरूले पनि चर्को गर्मीको अनुभव गरिरहेका छन् । राष्ट्रिय मौसम सेवाले तापक्रम थप बढ्ने र जुलाई ४ को हप्तासम्म रहने भविष्यवाणी गरेको छ।
विनाशकारी आँधीबेहरीको सप्ताहन्तपछि गर्मी बढेको हो । जसले हजारौं मानिसहरूका घरमा विद्युत आपूर्तिमा अवरोध आएको थियो । तापको गुम्बज मेक्सिको र अमेरिकाको दक्षिण पश्चिमका केही भागहरू माथि बसेको छ भने तातो समुद्री हावाको कारणले गर्दा वायुमण्डलमा फसेको छ।
यी अवस्थाहरू यस क्षेत्रका मानिसहरूका लागि धेरै तनावपूर्ण रहेको तथा वास्तवमै तीव्र, फराकिलो र लामो समयसम्म चल्ने घटना भइरहेको मौषमविदहरुको भनाई छ । मान्छेकै कारणले जलवायु परिवर्तनका कारण यी अवस्थाहरूलाई पाँच गुणा बढी सम्भावित बनाएको कतिपय मौषमविदको तर्क छ ।
यस हप्ताको सुरुमा, टेक्सासको पावर युटिलिटीले प्रयोगकर्ताहरूलाई ग्रिडमा तनाव कम गर्न एयर कन्डिशन चलाउनमा कटौती गर्न आग्रह गरेको थियो । तातो र विजुलीको अभावका कारण तुलसा, ओक्लाहोमा क्षेत्रका आपतकालिन दलहरूले अत्याधिक फोनकलको जवाफ दिनु परेको थियो भने ज्याक्सन, मिसिसिपीमा, बासिन्दाहरूले लगभग १ सय घण्टासम्म विजुली र एसी नभएको रिपोर्ट गरेका थिए ।
सेन्टर फर डिजिज कन्ट्रोल एण्ड प्रिभेन्सनका अनुसार अमेरिकामा हरेक वर्ष औसतमा ७०२ जनाको गर्मी सम्बन्धी मृत्यु हुने गरेको छ। सन् २०२१ मा ओरेगनमा ६९ जना मानिस अत्याधिक गर्मीका कारणले मरेका थिए । बिहीबार ओरेगन काउन्टीले फोसिल इन्धन कम्पनीहरू विरुद्ध मुद्दा दायर गर्दै तेल र ग्यास कम्पनीहरू तातो लहरको लागि जिम्मेवार भएको दावी गरेको छ ।
अत्याधिक गर्मीले वृद्ध वयस्कहरू, साना बालबालिकाहरू, गर्भवती महिलाहरू, दीर्घकालीन रोग भएका मानिसहरू र बाहिरी कामदारहरूलाई विशेष स्वास्थ्य र सुरक्षा जोखिमहरू रहेको छ । न्यून आय भएका बासिन्दाहरूले गर्मीको उच्च बोझ वहन गर्छन् । किनभने तिनीहरूले गर्मीलाई बढावा दिने उद्योगहरूमा काम गर्छन् भने तातो बढाउने राजमार्गहरूको नजिकमा बस्छन् । कमजोर समुदायहरूमा घरमा समेत पर्याप्त वातानुकूलितको अभाव हुन सक्छ।