१० तले भवन जत्तिकै ठूला दुई क्षुद्रग्रहहरू तीब्र गतिमा पृथ्वीतिर आउँदै, के खतरा छ?
प्रकाशित मिति : असार ३, २०८० आईतबार
नासाका अनुशार लगभग ३० मिटर ठूला दुई क्षुद्रग्रहहरू तीब्र गतिमा पृथ्वीतिर आइरहेका छन् । दुई क्षुद्रग्रहहरू मध्ये ठूलो ११० फिट अनुमान गरिएको छ। जुन लगभग १० तले भवनको आकारको बराबर हो ।
खगोलविद्हरूले कुनै पनि क्षुद्रग्रहहरूको लागि आकाशमा सतर्क नजर राख्छन् । असहज रूपमा पृथ्वीको नजिक आउँदै गरेका क्षुद्रग्रहमाथि विशेष नजर राखिन्छ । क्षुद्रग्रह वाच ड्यासबोर्डले यी क्षुद्रग्रहहरू र धूमकेतुहरू ट्र्याक गर्दछ जुन हाम्रो गृह ग्रहको नजिक छन् ।
यसले पृथ्वीको निकट हुने मिति, अनुमानित व्यास, सापेक्ष आकार र दूरी समेत पत्ता लगाउँछ । यी मध्ये पाँचवटा वस्तुहरू अर्को केही दिनमा पृथ्वीको नजिक पुग्दैछन्, जसमा सबैभन्दा ठूलो ५५ मिटर व्यासमा फैलिएको छ।
२०२३ एल डब्लु र २०२३ एल भी आज पृथ्वीको सबैभन्दा नजिक पुग्नेछन्। २०२३ एल डब्लु पृथ्वीबाट १ दशमलव ४ मिलियन माइल नजिक आउनेछ । त्यस्तै २०२३ एल भी २ दशमलव ८ मिलियन माइल नजिक आउनेछ । यी क्षुद्रग्रहको गति प्रति घण्टा झण्डै १८ हजार माइल रहेको छ ।
पृथ्वीको आज दुईवटा अन्तरिक्ष चट्टानहरू आएपछि आगामी तीन दिनमा त्यहाँ थप तीनवटा नजिक आउनेछन् । एउटा २१ मिटरको क्षुद्रग्रह जुन १९ मा ४ दशमलव १ मिलियन माइल नजिक आउनेछ भने जुन २० मा १५ मिटरको क्षुद्रग्रह पृथ्वी नजिक आउनेछ । जुन २१ मा ५५ मिटरको क्षुद्रग्रह पृथ्वीको ३ मिलियन माइल नजिक आउनेछ ।
नासाको जेट प्रोपल्सन ल्याबोरेटरीले १५० मिटरभन्दा ठुलो वस्तु पृथ्वीभन्दा ४ दशमलव ६ मिलियन माइलभन्दा नजिक आएमा सम्भावित खतरनाक वस्तुको रूपमा सूचीबद्ध गर्दछ। यो चन्द्रमाको दूरीको लगभग झण्डै २० गुणा हो, पृथ्वी र चन्द्रमा बीचको औसत दूरी लगभग २ लाख ३९ हजार माइल रहेको छ । यी सबै पाँचवटा क्षुद्रग्रहहरू सम्भावित रूपमा खतरनाकको रूपमा योग्य हुनको लागि धेरै सानो छन् ।