अमेरिकी सरकारी एजेन्सीहरू विश्वव्यापी साइबर आक्रमणमा
प्रकाशित मिति : जेष्ठ ३२, २०८० बिहीबार
धेरै अमेरिकी संघीय सरकारी एजेन्सीहरू विश्वव्यापी साइबर आक्रमणमा परेका छन् जसले व्यापक रूपमा प्रयोग हुने सफ्टवेयरमा कमजोरी देखाएको छ ।
यूएस साइबरसेक्युरिटी र इन्फ्रास्ट्रक्चर सेक्युरिटी एजेन्सीले धेरै साइबर आक्रमणमा परेका संघीय एजेन्सीहरूलाई सहयोग प्रदान गरिरहेको छ । साइबर सुरक्षाका लागि एजेन्सीका कार्यकारी सहायक निर्देशक एरिक गोल्डस्टेनले बिहीबार प्रभावहरू बुझ्न र समयमै उपचार सुनिश्चित गर्न तुरुन्तै काम गरिरहेको बताएका छन् ।
साइबर आक्रमणमा जिम्मेवार ह्याकरहरू रुसी भाषी समूह हुन् होइनन् भन्नेबारे पुष्टी भएको छैन । ह्याकिङ अभियानमा यो समूहले कैयन दावीहरु गर्दै आएको छ । अमेरिकाको ऊर्जा मन्त्रालय ग्लोबल ह्याकिङमा परेका धेरै संघीय एजेन्सीहरू मध्ये एक थियो । डिपार्टमेन्टले ह्याकको प्रभावलाई कम गर्न तुरुन्त कदम चालेको बताएको छ ।
यातायात मन्त्रालय र विदेश मन्त्रालयले उनीहरू ह्याकको शिकार नभएको बताएका छन् । दुई हप्ता अघि सुरु भएको ह्याकिङ अभियानका पीडितहरूको सङ्ख्या बढेको छ । यसले प्रमुख अमेरिकी विश्वविद्यालयहरू र राज्य सरकारहरूलाई असर गरेको छ। ह्याकिङ अभियानले संघीय अधिकारीहरूमा दबाब बढाएको छ, जसले अमेरिकाभरका स्कूल, अस्पताल र स्थानीय सरकारहरूमा प्रभाव पारेको छ ।
बाल्टिमोरको जोन्स हप्किन्स विश्वविद्यालय र विश्वविद्यालयको प्रख्यात स्वास्थ्य प्रणालीले यस हप्ता एक विज्ञप्तिमा स्वास्थ्य बिलिङ रेकर्डहरू सहित संवेदनशील व्यक्तिगत र वित्तीय जानकारी ह्याकमा चोरी भएको हुनसक्ने बताएको थियो । यसैबीच जर्जियाको राज्य(व्यापी विश्वविद्यालय प्रणाली ह्याकको असर र गम्भीरताबारे अनुसन्धान गरिरहेको पुष्टि गरेको छ ।
क्लोप भनेर चिनिने रुसी भाषी ह्याकिङ समूहले गत हप्ता केही ह्याकहरूको श्रेय दावी गरेको थियो जसले बीबीसी, ब्रिटिश एयरवेज, ओइल जायन्ट शेल, मिनेसोटा र इलिनोयका राज्य सरकारहरूका कर्मचारीहरूलाई पनि असर गरेको थियो ।