बेलायतको नटिङ्घममा चक्कु प्रहारबाट २ टिनएजरसहित ३ को हत्या
प्रकाशित मिति : जेष्ठ ३०, २०८० मंगलबार
बेलायतको नटिङ्घम सहरमा मंगलबार बिहान भएको शृङ्खलाबद्ध चक्कु आक्रमणमा तीन जनाको मृत्यु भएको छ भने अन्य तीन जना घाइते भएका छन् । नटिङ्घमको सिटी सेन्टरको पश्चिममा रहेको इल्केस्टन रोडमा विहान ४ बजे पछि १९ वर्षका दुई विद्यार्थीहरूलाई छुरा प्रहार गरी हत्या गरिएको भेटिएको थियो ।
अर्को घटनामा,शहरको केन्द्रको मिल्टन स्ट्रीटमा चोरी भएको भ्यानका चालकले तीन जनामाथि गाडी जोत्ने प्रयास गरेपछि घाइते तीनै जनालाई अस्पताल लगिएको थियो ।
प्रहरीले म्यापल्स स्ट्रीटमा भ्यान रोकेर एक व्यक्तिलाई पक्राउ गरेका छन् । करिब पाँच मिनेटको दूरीमा रहेको मगडला रोडमा ५० वर्षका एक पुरुष पनि चक्कु प्रहारबाट मृत फेला परेका छन् ।
संदिग्ध व्यक्तिले मिल्टन स्ट्रिटमा जानु अघि भ्यान चोरेर मानिसहरुमाथि कुदाउन खोजेको पुलिसको विश्वास छ । तीनै जनाको मृत्युलाई प्रहरीले जोडेको छ । हत्याको आशंकामा ३१ वर्षीय एक युवकलाई पक्राउ गरी प्रहरी हिरासतमा राखिएको छ ।
इल्केस्टन रोडमा मारिएका १९ वर्षीय दुईजना युनिभर्सिटी अफ नटिङ्घमका विद्यार्थी थिए। प्रहरीले आधिकारिक रूपमा उनीहरूको नाम नखुलाएपनि बर्नाबी वेबर रहेको जनाइएको छ । मगडला रोडमा मृत फेला परेका व्यक्ति ५० वर्षका थिए । उनको नाम भने खुलाइएको छैन ।
भ्यानले मिल्टन स्ट्रिटमा हान्दा घाइते भएका मध्ये एक जनाको अवस्था गम्भीर रहेको र अन्य दुईलाई सामान्य चोटपटक लागेको प्रहरीले जनाएको छ ।