भगवानको नाममा पद तथा गोपनीयताको शपथ लिन नमान्ने प्रचण्ड पुगे महाकालको शरणमा
प्रकाशित मिति : जेष्ठ २०, २०८० शनिबार
प्रधानमन्त्री हुँदा भगवानको नाममापद तथा गोपनीयताको शपथ लिन नमान्ने पुष्पकमल दाहाल प्रचण्डले मध्यप्रदेशको उज्जैनस्थित श्री महाकालेश्वर मन्दिरमा भगवान शिवको पूजा–आराधना गरेका छन् । ‘भारतको ४ दिने औपचािरक भ्रमणमा रहेका पुष्पकमल दाहाल प्रचण्ड’ ले मध्य प्रदेश राज्यको उज्जैनमा रहेको महाकालेश्वर मन्दिरमा पूजाआजा गरेका छन्।
पूर्व सहकर्मी तथा पूर्व प्रधानमन्त्री डा बाबुराम भट्टराईले भने प्रचण्डको यो कदमको आलोचना गरेका छन् । उनले प्रचण्डले पूजा गर्दै गरेको तस्बिर सामाजिक सञ्जालमा सेयर गर्दै ‘हामी कता जाँदै छौँ, देश कता जाँदै छ ?’ भन्दै प्रश्न गरेका छन् ।
शुक्रबार दिउँसो मन्दिरमा पुगेका प्रम प्रचण्डले भ्रमण टोलीका सदस्यहरु परराष्ट्रमन्त्री एनपी साउद, अर्थमन्त्री डा. प्रकाश शरणमहत र उद्योगमन्त्री रमेश रिजाल तथा छोरी गंगाका साथमा पूजाआजा गरेका हुन्। पूजामा भ्रमण दलमा रहेका सरकारका अन्य सदस्यह पनि सहभागी थिए।
महाकाल मन्दिरमा पूजा गर्दा प्रचण्डले केसरको शाल ओडेर निधारमा चन्दनको टिका लगाएका थिए । उनी धेरै घण्टा महाकाल मन्दिरमा बसे । यस भ्रमणका सन्दर्भमा प्रचण्डले इन्दौरको फोहोर व्यवस्थापनबारे बुझेको र पूजापछि सबै धर्मलाई सम्मान गर्ने बताए । भगवा लुगा लगाएकोमा उनले यो मन्दिरको नियम हो जसलाई आफुले मात्र पालन गरेको बताए ।-एजेन्सी