अमेरिकी कर्जा वार्तामा अझै आशावादी रहेको बाइडेनको भनाइ
प्रकाशित मिति : जेष्ठ ६, २०८० शनिबार
अमेरिकी राष्ट्रपति जो बाइडेनले रिपब्लिकन पार्टीका ‘अतिवादी’ माग स्वीकार नगर्ने चेतावनी दिएपछि अमेरिकी कर्जा नतिर्ने विषयमा शनिबार वार्ता जारी रहेको छ ।
जापानको हिरोशिमामा भएको जी–७ शिखर सम्मेलनलाई सम्बोधन गर्दै उहाँले भन्नुभयो, “मलाई अझै पनि विश्वास छ कि हामी प्रतिवद्धता टुट्नबाट बच्न सक्षम हुनेछौं र हामी केही राम्रो काम गर्नेछौं ।” अमेरिकी ट्रेजरी मन्त्रालयले जुन १ सम्ममा अमेरिकी सरकारसँग पैसा सकिन सक्ने चेतावनी दिएपछि विश्वको सबैभन्दा ठूलो अर्थतन्त्र र सम्भवतः विश्वभर नै ठूलो आर्थिक व्यवधान उत्पन्न हुन सक्छ ।
अमेरिकी संसद (हाउस अफ रिप्रेजेन्टेटिभ्स) मा नियन्त्रण राख्ने रिपब्लिकनहरूले सरकारको कर्जा अधिकारको विस्तारको लागि मूल्यको रूपमा भारी बजेट कटौतीको माग गरिरहेका छन् । ह्वाइट हाउसले परम्परागत रूपमा विवादास्पद वार्षिक ऋण सीमा वृद्धिलाई राजनीतिक लाभका लागि हतियार बनाइएको तर्क गर्दै रिपब्लिकनको मागलाई कम गर्न खोजिरहेको छ ।
शुक्रबार रिपब्लिकनहरूले ‘विराम’ को घोषणा गर्दै वार्ताबाट बाहिरिएपछि समाधानको आशामा धक्का लागेको थियो । तर केही घण्टापछि वार्ता पुनः सुरु भएपछि ह्वाइट हाउसकी सञ्चार सचिव करिन जीन पियरेले ‘हामी वास्तवमै आशावादी छौं’ भन्नुभएको थियो । ह्वाइट हाउसका अनुसार धनी लोकतन्त्रको भेलाका लागि विश्वको अर्को कुनामा रहेका बाइडेनलाई शनिबार बिहानै स्थितिबारे जानकारी गराइएको थियो ।
बाइडेनका सञ्चार निर्देशक बेन लाबोल्टले भन्नुभयो, “रिपब्लिकनहरूले अर्थतन्त्रलाई बन्धक बनाइरहेका छन् र हामीलाई कर्जाको कानुनी दायित्वबाट बाहिरिनुपर्ने सङ्घारमा धकेलिरहेका छन्, जसले लाखौं रोजगारी गुमाउन सक्छ र दुई वर्षको स्थिर रोजगारी र ज्याला वृद्धिपछि देशलाई मन्दीमा धकेल्न सक्छ ।
लाबोल्टले भन्नुभयो, “बाइडेनले ‘अतिवादी’ रिपब्लिकन नीतिलाई स्वीकार नगर्ने भए तापनि यदि रिपब्लिकनहरू असल विश्वासका साथ वार्ताको टेबलमा फर्के भने उचित द्विपक्षीय सम्झौतामा पुग्ने बाटो बाँकी छ ।”