टेक्सासमा आप्रवासीहरूहरुको आश्रयस्थल अगाडि बस स्टपमा कारले भीडलाई जोत्दा ७ जनाको मृत्यु
प्रकाशित मिति : बैशाख २४, २०८० आईतबार
एक चालकले आइतवार टेक्सासको सीमावर्ती सहरमा आप्रवासीहरू बसोबास गरिरहेको आश्रयस्थल बाहिर बस स्टपमा एउटा समूहमा गाडी जोज्दा धेरै आप्रवासीहरू सहित सात व्यक्तिको मृत्यु भएको छ भने एक दर्जन बढी घाइते भएका छन् ।
ब्राउन्सभिल टेक्सासका अधिकारीहरूका अनुशार उनीहरूलाई ल्याण्ड रोभरको बारेमा बिहान साढे ८ बजे फोन आएको थियो जसले बिशप एनरिक सान पेड्रो ओजानम सेन्टर नामको एक गैर नाफामुलक घरबारविहीन आश्रयबाट सडक पार बस स्टपमा पर्खिरहेका धेरै मानिसहरूलाई ठक्कर दिएको थियो । यो दुर्घटना नियोजित भए नभएकोबारे स्पष्ट छैन ।
मृतकमध्ये धेरै आप्रवासीहरू रहेको र सीमा गस्तीले पीडितहरूको पहिचान पुष्टि गर्न काम गरिरहेको जनाइएको छ । विश्वभरका आप्रवासीहरू आश्रयमा बस्दै आएका छन् भने उनीहरूले बसाइमा वृद्धि भइरहेको थियो । यस आश्रयमा २ सय जनालाई बास र खानाको व्यवस्था गरिएको थियो ।
घटनास्थलका प्रत्यक्षदर्शीहरूले अधिकारीहरू नआउन्जेल चालकलाई नियन्त्रणमा लिएका थिए । गाडीका चालकलाई स्वास्थ्य उपचार गराइएको र लापरबाही गरेको आरोपमा पक्राउ गरिएको प्रहरीले बताएको छ । चालकबिरुद्ध अरु अभियोगहरु पनि थपिने सम्भावना रहेको छ ।
हिस्पानिक व्यक्तिको रूपमा चिनिएको चालकले अधिकारीहरूसँग असहयोगी रुपमा प्रस्तुत भएको जनाइकएको छ । चालकले अधिकारीहरूलाई आफ्ना धेरै नामहरू बताएको र प्रहरीले वास्तविक पहिचान फेला पार्ने आशामा फिंगरप्रिन्ट गर्नुपरेको थियो ।
अधिकारीहरूले चालकको रगतको नमूना लिएका छन् । रगत परीक्षणको आदेश दिइएपनि नतिजाहरू प्राप्त गर्न कति समय लाग्ने भन्नेबारे स्पष्ट छैन । स्यान्डोभलले दुर्घटना नियोजित वा संयोगवश हो कि भनेर अझै अनुसन्धान भइरहेको छ । चालकले रातो बत्ती बेवास्ता गरेको, कर्बमा ड्राइभ गरेको र बस स्टपमा पर्खिरहेका मानिसहरूको समूहमाथि गाडी चलाएको प्रत्यक्षदर्शीहरूले वर्णन गरेका छन् ।