शरणार्थी काण्डमा एमालेका सचिव टोपबहादुर रायमाझी र छोराविरुद्ध पक्राउ पुर्जी जारी
प्रकाशित मिति : बैशाख २०, २०८० बुधबार
नेकपा एमालेका सचिव टोपबहादुर रायमाझी र उहाँका छोरा सन्दीपविरुद्ध पक्राउ पुर्जी जारी भएको छ ।
जिल्ला प्रहरी परिसर काठमाडौँले जिल्ला अदालत काठमाडौँबाट आज उहाँहरु विरुद्धको पक्राउ पुर्जी लिएको काठमाडौँ उपत्यका प्रहरी कार्यालयले जनाएको छ । नेपालीलाई भूटानी शरणार्थी बनाएर अमेरिका पठाइएको भन्ने प्रकरणमा उहाँहरु विरुद्ध पक्राउ पुर्जी जारी भएको बताइएको छ ।
भुटानी शरणार्थी बनाएर अमेरिका लैजाने भन्दै ८७५ नेपालीसँग १० देखि ५० लाखसम्म उठाउने गिरोहसँग टोपबहादुरको राजनीतिक साँठगाँठ रहेको र उनका छोरा सन्दीपको प्रत्यक्ष संलग्नता रहेको आरोप छ ।