अमेरिकाको नर्थ क्यारोलिनामा ८ जना सुरक्षा अधिकारीमाथि गोली प्रहार, तीनजनाको मृत्यु
प्रकाशित मिति : बैशाख १७, २०८१ सोमबार
नर्थ क्यारोलिनाको शार्लोटमा भएको गोलीकाण्डमा ३ जना सुरक्षा युएस मार्शल टास्क फोर्सका अधिकारीको मृत्यु भएको छ भने अन्य ५ जना अधिकारीहरू घाइते भएका छन् । मृत्यु हुनेमा एक डेपुटी यूएस मार्शल र दुईजना एस मार्शलको स्थानीय टास्क फोर्सका अधिकारीहरू छन् ।
शार्लोट मेक्लेनबर्गका प्रहरी प्रमुख जोनी जेनिङ्सले सोमबार साँझको पत्रकार सम्मेलनमा घटनाको क्रममा कुल आठ सुरक्षा अधिकारीहरूमाथि गोली प्रहार भएको जानकारी दिएका हुन् । ग्याल्वे ड्राइभको ५००० ब्लकमा गोलीकाण्ड भएको थियो । बन्दुक सम्बन्धि अपराधमा दोषी ठहर भएका एक अपराधीलाई पक्राउ गर्न गएका सुरक्षा अधिकारीमाथि गोली प्रहार भएको हो ।
Numerous law enforcement officers struck by gunfire in active situation in the 5000 block of Galway Drive. The scene is still active. Avoid the area. Many roads are closed for faster ambulance transport. Please cooperate with authorities. Media staging at 6212 The Plaza at the…
— CMPD News (@CMPD) April 29, 2024
अधिकारीहरुलाई शक्तिशाली राइफलबाट गोली प्रहार भएको थियो । सुरक्षा अधिकारीको जवाफी कारवाहीमा घरको अगाडिको आँगनमा संदिग्धको मृत्यु भएको छ । गोली पहार गर्ने व्यक्ति बन्दुकको अभियोगमा दोषी ठहर भएका व्यक्ति नै रहेको जनाइएको छ ।
गोली लागेका चारजना शार्लोट मेक्लेनबर्ग प्रहरी अधिकारीहरू हुन् । एकजनाको गम्भीर अवस्थामा अस्पतालमा अस्पथालमा उपचार भइरहेको छ भने अन्य अधिकारीहरुको अवस्था स्थिर रहेको छ ।
अधिकारीहरूले मृतक र घाइतेका परिवारलाई घटनाबारे जानकारी दिइरहेकाले मृतक र घाइतेको नाम सार्वजनिक गरिएको छैन । घटनापछि दुईजना व्यक्तिमाथि प्रहरीले सोधपुछ गरेको छ ।
The residence on Galway Drive is now clear, and the area is safe. Residents no longer need to shelter in place.
At least one shooting suspect was located deceased at the residence after clearing the scene.
CMPD is questioning two other occupants of the home.
CMPD and other…
— CMPD News (@CMPD) April 29, 2024
अधिकारीहरूले सोमबार दिउँसो घटनास्थल क्लीयर गरेका थिए भने बासिन्दाहरूलाई घरभित्र बस्न आवश्यक नभएको बताएका थिए । यसअगाडि स्थानीय बासिन्दाहरुलाई घरबाहिर ननिस्कन चेतावनी दिइएको थियो ।
कभरमा शार्लोट मेक्लेनबर्गका प्रहरीको फाइल फोटो