न्युयोर्कको ज्याक्सन हाइटमा नेपाली महिला व्यवसायीको स्वामित्वको नयाँ रेस्टुरेन्ट ‘पोकेमम’
प्रकाशित मिति : बैशाख १३, २०८० बुधबार
नेपाली महिला व्यवसायी लक्ष्मी भट्टले डाक्टर नील नईमसँगको साझेदारीमा न्युयोर्कको ज्याक्सनहाइट ब्रोडवेमा पोकेमोम नामक नयाँ रेस्टुरेन्टको औपचारिक सुरुवात गरेकी छिन् । यस जापानी फ्युजन रेस्टुरेन्टको औपचारिक सुरुवात सोमबारदेखि गरिएको हो ।
यो रेस्टुरेन्टले आप्रवासीहरुको विविधता रहेको यस क्षेत्रमा नयाँ पाक अनुभव ल्याउने प्रतिवद्धता जनाएको छ । पोकेममले जापानी र नेपाली व्यञ्जनका फ्युजन मेनु प्रदान गर्दछ, जसमा विभिन्न प्रकारका स्वादिष्ट पोकेबाउल र नेपाली ममहरु समावेश छन्।
ग्राहकहरूले आफ्नो मनपर्ने पोकेबाउल बनाउन टपिङ र ससहरू छनौट गर्न सक्छन्। पोके बाउल र ममको अतिरिक्त रेस्टुरेन्टले सुशी रोल, टेम्पुरा र साशिमी जस्ता अन्य जापानी फ्युजन व्यंजनहरू पनि उपलब्ध गराउँछ।
औपचरिक सुरुवातमा उपस्थीतहरुले रमाइलो वातावरणमा खाना र अतिथि सत्कारको आनन्द उठाए। भट्टले ज्याक्सन हाइट्समा नेपाली र जापानी परिकारको स्वाद दिलाउन पाएकोमा आफू उत्साहित भएको बताउँदै रेस्टुरेन्ट खोल्न सहयोग गर्ने सबैप्रति आभार व्यक्त गरिन् ।
रेस्टुरेन्ट आधुनिक टचले सजाइएको छ र ग्राहकहरूको लागि बस्ने ठाउँ रहेको छ। हप्ताको सात दिन बिहान ९ बजे देखि राती ९ बजे सम्म खुला रहने रेस्टुरेन्टले घरमा खानाको आनन्द लिन रुचाउनेहरूका लागि टेकआउट र एपहरुमार्फत डेलिभरी सेवाहरू पनि प्रदान गर्दछ।
ज्याक्सन हाइट्समा विविधतायुक्त स्वाद लिन चाहनेहरुका लागि पोकेमम नयाँ थपिएको छ, जसले खाना प्रेमीहरूको लागि एक अद्वितीय र स्वादिष्ट भोजन अनुभव ल्याउने वाचा गर्दछ। जापानी र नेपाली परिकारको मिश्रणले यस रेष्टुरेन्टले ग्राहकहरुको विविध समूहलाई आकर्षित गर्ने अपेक्षा गरिएको छ ।