न्युयोर्कको जोन अफ केनेडी विमानस्थलबाट उड्ने क्रममा विमानको इन्जिनमा चराको ठक्कर
प्रकाशित मिति : २९ चैत्र २०७९, बुधबार
Photo by Jeffry Surianto on Pexels.com
न्युयोर्कको जोन अफ केनेडी विमानस्थलबाट विमान उड्ने क्रममा इन्जिनमा चराले ठक्कर दिएपछि विमानले यात्रा रद्द गर्न र टार्माकमा फर्कन बाध्य भएको छ । मंगलबार डेल्टा एयरलाइन्सको विमानमा उक्त घटना भएको हो ।
बोइङ ७३७ ८०० विमान १५५ जना यात्रुहरु छ जना चालक दलका न्युयोर्कको जोन एफ केनेडी अन्तर्राष्ट्रिय विमानस्थलबाट क्यालिफोर्नियाको सान डिएगो जानका लागि उडेको थियो ।
टेकअफको समयमा खिचिएको एउटा भिडियोमा चरा ठोक्किएपछि विमान केहीबेर आकाशमा उडेको देखिन्छ ।
Thank you to the extraordinary pilot and flight crew at @Delta for landing us safely at @JFKairport after birds knocked out the right engine of our plane on a flight to San Diego pic.twitter.com/iKGISuYvHc
— Cristina Corbin (@CristinaCorbin) April 11, 2023
विमानले अक्सिजन मास्कहरू तैनाथ गरेको थियो । विमानको दुई इन्जिन मध्ये एउटामा चरा ठोक्किएको रिपोर्ट पछि उडेको केही समय पछि डेल्टा उडान सुरक्षित रूपमा जोन अफ केनेडी विमानस्थलमा फर्किएको डेल्टाले एक विज्ञप्तिमा बताएको छ ।
डेल्टाले सुरक्षित रुपमा फर्काउन सफल चालक दलको व्यावसायिक कार्यको प्रशंसा गरेको छ ।
विमान फर्केपछि फायर फाइटरहरू सहित आपतकालिन उद्दारकर्मीहरु इन्जिन निरीक्षणका लागि पुगेका थिए ।
डेल्टाले सान डिएगो जाने यात्रुहरूको उडानका लागि वैकल्पिक विमान प्रयोग गरेको बताएको छ।