न्युयोर्क सिटीका एटीएममा ठगहरु सकृय, कसरी आफूलाई सुरक्षित गर्ने ?
प्रकाशित मिति : चैत्र २८, २०७९ मंगलबार
न्युयोर्क सिटीमा प्रत्येक बरोमा एटीएममा ठगहरु सकृय रहेको प्रहरीले बताएका छन् । जसबाट दर्जनौं व्यक्ति पीडित भइसकेका छन् ।
सुरुमा अपरिचित व्यक्तिले दयालु भाव जस्तो देखाएर व्यक्तिलाई पीडित बनाउने गरेको प्रहरीले बताएको छ ।
कोही व्यक्ति एटीएम मेसिनमा गएर आफ्नो बैंक कार्ड घुसाएपछि ठग उनीहरुको पछाडि आएर उभिने गरेको र भुइँमा केही डलर नोटहरु राख्छ । त्यसपछि ठगले एटीएम प्रयोग गर्दै गरेको व्यक्तिलाई काँधमा थप्थपाएर केही नगद भुइँमा खसेको बताउने गर्छ ।
जब पीडित नगद टिप्न घोप्टोपर्छ । ठग एटीएममा पुग्छ र डमी कार्डको साथ पीडितको बैंक कार्ड बदल्छ । त्यसपछि ठगहरु त्यो कार्ड लिएर अन्यत्र प्रयोग गर्छन् र पीडितको पैसा चोर्छन्।
🎥 “An ATM Scam Is Targeting Seniors in NYC: What to Know and How to Protect Yourself”
as reported by @MarcSantia4NY pic.twitter.com/9NasII66cA— NYPD 19th Precinct (@NYPD19Pct) April 11, 2023
जीवनमा कहिल्यै ठगीमा नपरेको आफूले कहिल्यै आफूसँग यस्तो घटना होला भनेर नसोंचेको ठगीको शिकार भएका ७५ बर्षीय मार्कले बताएका छन् । मार्कले न्युयोर्क सिटीका अन्य बासिन्दाहरूलाई चेतावनी दिने प्रयासमा यसबारे संचारमाध्यमलाई जानकारी दिएका छन् ।
प्रहरीका अनुसार हालसम्म ४० भन्दा बढी ठगिएका छन् । पीडितहरु धेरैजसो बढी उमेरका रहेका छन् ।