न्युयोर्कको अभियोगपछि फ्लोरिडा पुगे ट्रम्प, ‘गजबको दिन’ भएको प्रतिकृया
प्रकाशित मिति : २१ चैत्र २०७९, मंगलबार
The Trump plane with former US President Donald Trump on board, takes off after a 2024 election campaign rally in Waco, Texas, March 25, 2023. – Trump held the rally at the site of the deadly 1993 standoff between an anti-government cult and federal agents. (Photo by SUZANNE CORDEIRO / AFP)
पूर्व राष्ट्रपति डोनाल्ड ट्रम्पले मंगलबार दिउँसो म्यानहट्टन अदालतमा ३४ वटा आपराधिक आरोपमा दोषी नरहेको स्वीकार गरेपछि फ्लोरिडाको वेस्ट पाम बीचको पाम बीच अन्तर्राष्ट्रिय विमानस्थलमा आइपुगेका छन्। ट्रम्पको व्यक्तिगत बोइङ ७५७ बेलुका ६ बजेर ४० मिनेटमा त्यहाँ अवतरण भयो।
फ्लोरिडामा ट्रम्पको जेट अवतरण गर्दा उनको स्वागत गर्न समर्थकहरु भेला भएका थिए । उनका करिब ५० जना समर्थक आठ लेनको राजमार्गको छेउमा उभिएका थिए । उनीहरूले आफ्नो राष्ट्रपतिलाई समर्थन गर्न आएको बताएका थिए ।
ट्रम्पको मोटरकेडले उनलाई एयरपोर्टबाट मार ए लागो तर्फ लैजाँदा उनले आफ्नो कालो एसयूभीबाट बाउन्ड्री रोडको छेउमा समर्थकहरूलाई हात हल्लाएका थिए । समर्थकहरु ‘आई लभ यु, तपाईं हाम्रो राष्ट्रपति’ भन्दै चिच्याएका थिए ।
ट्रम्पले अभियोगको सामना गरेपछिको समर्थकहरूसँगको कलमा आफ्नो उत्कृष्ट दिन भएको बताएका छन् । उनले भने – ‘तपाईलाई थाहा छ हामी नक्कली अनुसन्धानबाट गुज्रिरहेका छौं। र हामी जित्दैछौं । हाम्रो आजको दिन गजबको थियो । वास्तवमा किनभने यो एउटा ठगीमा बदलिनेवाला छ ।’
ट्रम्पले आफूविरुद्धको अभियोग पछि समर्थकहरु संग बोल्दै न्यूयोर्क मा मंगलबार आफ्नो विरुद्ध लगाइएको अभियोग को आलोचना गरे । ट्रम्पको टिप्पणी आफ्ना विश्वासपात्रहरु र समर्थकहरूद्वारा आयोजित कलमा आएको हो । उनले म्यानहटन डिस्ट्रिक्ट एटोर्नीद्वारा गरिएको अनुसन्धानको बिरूद्ध संक्षिप्त रूपमा बोलेका थिए।
उनले भने – ‘जबदेखि हामी सुनौलो एस्केलेटरबाट तल आएका छौं, जसलाई उनीहरूले ट्रम्प टावर भन्छन्, हामीले उनीहरूलाई आठ वर्षदेखि जित्दै आएका छौँ ।
ट्रम्पको संक्षिप्त टिप्पणीमा उनले सर्वोच्च अदालतका न्यायाधीशहरूको नियुक्ति र उनको राष्ट्रपतिको समयमा धर्मको समर्थन गर्ने कुरा पनि समावेश गरे। ट्रम्पले आज साँझ मार ए लागोमा एक कार्यक्रम आयोजना गर्ने जनाइएको छ । उनले त्यहाँबाट बोल्ने अपेक्षा पनि गरिएको छ।