अमेरिकामा सेल्फी खिच्ने क्रममा ३५ बर्षका मोडल जेफ थोमसको लडेर मृत्यु
प्रकाशित मिति : चैत्र ५, २०७९ आईतबार
अमेरिकामा सेल्फी खिच्ने क्रममा मोडल जेफ थोमसको लडेर मृत्यु भएको उनका एजेन्टले बताएका छन् । बुधबार फ्लोरिडाको मायामीमा अधिकारीहरूले मियामीको एउटा अपार्टमेन्ट कम्प्लेक्सको तल्लो भागमा ३५ वर्षीय मोडल थोमसको शव फेला पारेपछि उनको मृत्युबारे विभिन्न चर्चा भएका थिए ।
केही प्रत्यक्षदर्शीहरुले थोमसले जानाजानी हाम फालेको दावी गरेका थिए । तर उनका एजेन्टले भने सेल्फी खिच्दै गर्दा खसेको बताएका छन् । आफै जानी जानी हाम फालेको कुरा असम्भव भएको एजेन्टको भनाई छ ।
एजेन्ट लुली बाटिस्टाले मृत्युको केही अगाडिमात्र आफूहरुबीच रमाइलो कुराकानी भएको बताएकी छिन् । सुरु गरेको नयाँ उद्यमको बारेमा छलफल गर्न फोनमा समेत कुराकानी भएको जनाइएको छ ।
यद्यपी मार्च ११ मा थोमसको भाइ स्काइलर थोमसले शेयर गरेको फेसबुक पोस्ट विरोधाभास रहेको थियो । भाइले लत र मानसिक स्वास्थ्य चुनौतीहरूू सँग संघर्ष गरेपछि आफ्नै जीवन लिएको उनले बताएका थिए ।
पोस्टमार्टम सकिए पनि अधिकारीहरूले आधिकारिक रूपमा मृत्युको कारण भने खुलाएका छैनन्। मोडलिङ संसारमा एक फिक्स्चर, थोमसलाई लन्डन आधारित एजेन्सीमा हस्ताक्षर गरिएको थियो र विभिन्न रनवे शो, म्यागजिन र विज्ञापनहरूमा देखा परेका थिए ।