६ वर्षीया बालिकामाथि सामूहिक बलात्कार, अर्को बालिकाको अनुहारमा चोटै चोट
प्रकाशित मिति : फाल्गुन २७, २०७९ शनिबार
६ वर्षीया निशा (नाम परिर्वतन) को शरीरमा टोकेको निशान छ । उनको नाक भित्र रगत जमेको छ, दाहिने आँखामा चोटका रातो दाग प्रष्ट देखिन्छ र कम्मर वरपरको कपडा रगतले निरन्तर भिजेको छ । निशा बिहारको बेगुसरायको सदर अस्पतालको ओछ्यानमा छिन् भने उनको छेउमा उनको १० वर्षीय साथी कविता (नाम परिवर्तन गरिएको) भर्ना छिन् ।
कविताको पुरै अनुहार सेतो पट्टीले ढाकेको छ । उनको अनुहारमा चोट लागेको छ भने गाला काटिएको छ । गाला यति गहिरो काटिएको छ कि अस्पतालमा कविताको हेरचाह गरिरहेकी आमा भन्छिन्, “गाला यसरी टोकेका छन्, दाँत पनि देखिन्थ्यो, डाक्टरले टाँका लगाउन नसकिने, घाउ आफै निको हुने भनेका छन् ।” सदर अस्पतालकी डा आशा कुमारीले बालिकाको स्वास्थ्य परीक्षण गरेकी छिन् । बीबीसीसँगको कुराकानीमा भनिन्.’ ६ वर्षीया बालिकालाई बलात्कार गरेको प्रमाण छ ।भने अर्को बालिकाको गाला कुकुरजस्तै गरी नराम्रोसँग मानिसले टोकिएको छ ।’
निशा र कविता भारतको बिहान राज्यको बेगुसराय जिल्लाको साहेबपुर कमल ब्लकका अल्पसंख्यक समुदायका बालिका हुन्। अन्तराष्ट्रिय महिला दिवसको दिन दिउँसो यी दुवैसँग यो घटना भएको हो । त्यस दिन होली पनि मनाइँदै थियो । सदर अस्पतालमा भर्ना भएकी कविताले त्यस दिनको सम्पूर्ण घटनालाई टुक्रा टुक्रामा बताउँदै भनिन्, तर उनी यो कुरा भन्दा काँपीरहेकी थिइन ।
कविता भन्छिन्, “हामी गाउँको सरकारी विद्यालयमा झुला झुल्न गएका थियौं। विद्यालयको मैदानमा चारजना पहिलेदेखि थिए, सोहन कुमार (उर्फ छोटू महतो) हाम्रो नजिक आएर समात्न थाले। हामी त्यहाँ गयौं। भाग्न खोजे, तर उनीहरूले हामीलाई समातेर पर्खालमा हाम्रो अनुहार मा रङ लगाए । पछि उसले निशाको पाइन्ट खोलिदियो र मेरो पनि खोलिदियो।”
सडकको दाहिने छेउमा बनेको सरकारी माध्यमिक विद्यालयको बालबालिकाको शौचालयमा अहिले पनि घटनाका निशानहरू छन् । होलीको अवसरमा शौचालयमा भेटिएका पुरीको टुक्रा र रगतका दाग दुवै सुकेका छन् । दुवै बालिकाको चप्पल त्यहीँ छन् ।
निशालाई पहिले बोल्न अप्ठ्यारो हुने गरेको थियो, यो घटनापछि उनी पूरै मौन छिन् । उनको लुगामा रगतको दाग लगातार बनिरहेको छ र उनले आफ्नो ‘सीमित शक्ति’ संग खान दिएका सबै चीजहरू फ्याँकिदिइन्। निशालाई बोल्न अप्ठ्यारो भएको छ, यो घटनापछि उनी पूरै मौन छिन् । उनको लुगामा रगतको दाग अहिले पनि छ । उनलाई दिएको खाना फ्याँकिदिन्छन्।
उनकी आमाले भनिन्, मेरा सात छोराटछोरी मध्ये उनी एक्लो छोरी हुन । पहिला जे दिएपनि खान्थिन् । हामी मागेर खाने मानिस हौँ । त्यो दिन पनि नानीहरुसँग मागेर ल्याएको पुरी थिए । हामी पनि पुरी मागेर फर्कंदै थियौँ, गाउँलेले भने तिम्रो छोरीलाई मारेर फालिदिएका छन् ।, छोरी लडिरहेको ठाउँमा पुगेँ र डाक्टरका लगेँ ।
डा. मुस्तफा निशा र कविताको परिवार बस्ने गाउँका ग्रामीण डाक्टर हुन्। निशा र कविताका परिवारले उनीहरुलाई पहिले डा. मुस्तफा कहाँ लगेका थिए ।
मुस्तफाले भने, “यी दुई नाबालिकालाई एकदमै नराम्रो अवस्थामा म कहाँ ल्याइयो। जसको गालामा टोकिएको थियो, उसको गालाबाट दाँत देखिन्थ्यो र अर्कोको लगातार रगत बगिरहेको थियो। मैले तुरुन्तै प्रहरीलाई खबर गरे। दश मिनेटपछि पुलिस आए र लगे। नाबालिकाहरुलाई अस्पताल लग्यो। यदि यस्तो नभइदिएको भए निशा बाँच्ने थिएनन्।”
बलात्कार पुष्टि :
बेगुसरायका प्रहरी उपरीक्षक योगेन्द्र कुमार भन्छन्, ‘यस घटनाका आरोपी सोहन कुमार, बब्लु कुमार, हरदेव कुमार, गोविन्द महतो हुन । जसमध्ये सोहन र बब्लुलाई पक्राउ गरिएको छ ।
उनी भन्छन्, ‘अहिलेसम्म यो घटनामा भएको परीक्षण अनुसार बालिका बलात्कृत भएको हो, प्रारम्भिक रूपमा यो सामूहिक बलात्कारको घटना हो जस्तो देखिन्छ। यो घटनाको छिट्टै छानबिन गरी छिट्टै मुद्दा चलाउने हाम्रो प्रयास छौँ।’
फोरेन्सिक विज्ञान टोली पोक्सो ऐन अन्तर्गत दर्ता भएको यस मुद्दाको अनुसन्धानमा संलग्न भएको छ। यससँगै चाँडोभन्दा चाँडो छानबिन गर्न एसडीपीओ बलियाको नेतृत्वमा टोली पनि गठन गरिएको छ ।
घटना भएको केही घण्टामै सोहन कुमार उर्फ छोटू महतो पक्राउ परेका थिए । छोटु पक्राउ पर्दा मादक पदार्थ सेवन गरेका थिए । बेगुसरायका प्रहरी उपरीक्षक योगेन्द्र कुमारले यसको पुष्टि गरेका छन् । ती व्यक्तिले गाउँकै विद्यालय नजिकै मदिरा र अन्य लागुऔषध आपूर्ति गर्दै आएको आरोपितबारे स्थानीय गाउँले बताउँछन् ।
यस प्रकरणमा पक्राउ परेका बब्लु कुमार पेशाले पत्रकार हुन् । बब्लु र सोहन दाजुभाइ हुन् । बब्लु कुमारका बुबा जय रामले बीबीसीलाई भने, “मेरो छोराले कुनै बलात्कार गरेको छैन। ऊ पत्रकार र बजरंग दलको सदस्य हो।” तर, बजरंग दलको साहेबपुर कमल ब्लकका संयोजक साजन कुमारले भने, ‘हामीले बब्लुलाई पत्रकार भएर मात्रै चिनेका थियौं, बजरंग दलसँग उनको कुनै सम्बन्ध छैन ।-हिन्दी बिबिसिबाट अनुवादित