वेस्ट बैंकमा हिंसा जारी, इजरायली-अमेरिकी व्यक्ति मारिए
प्रकाशित मिति : फाल्गुन १५, २०७९ सोमबार
इजरायली नियन्त्रित वेस्ट बैंकमा अशान्ति बढेपछि एक इजरायली-अमेरिकी व्यक्तिको गोली हानी हत्या गरिएको छ। जेरिको सहर नजिकैको राजमार्गबाट जाँदै गरेको सवारीसाधनमाथि आक्रमण हुँदा व्यक्तिको मृत्यु भएको थियो। त्यसपछि ती व्यक्तिलाई जेरुसेलमको अस्पतालमा लगियो। तर त्यहाँ उनलाई मृत घोषित गरियो।
इजरायलका लागि अमेरिकी राजदूत टम नाइड्सले केही घण्टाअघि भएको घटनाप्रति दुःख व्यक्त गरेका छन् ।
उनले सामाजिक सञ्जाल ट्वीटरमा लेखेका छन्, “आज राति वेस्ट बैंकमा भएको आतंकवादी हमलामा एक अमेरिकी नागरिकको ज्यान गएको प्रति अत्यन्तै दु:खका साथ पुष्टि गर्छु। म उनको परिवारका लागि प्रार्थना गर्दछु।”
इजरायली सुरक्षा बलहरूले भनेका छन् , आक्रमणकारीहरूले इजरायली गाडीहरूमा तीन पटक गोली हाने र पछि तिनीहरूका गाडीहरू पनि जलाए।
इजरायलले भनेको छ आक्रमणकारीहरू भाग्नु अघि उनीहरूले सुरक्षा बलहरूसँग मुठभेड गरेका थिए। हालसम्म कुनै प्यालेस्टाइनी संगठनले आक्रमणको जिम्मेवारी लिएको छैन।
यद्यपि गाजा पट्टीमा शासन गर्ने र वेस्ट बैंकमा कम प्रभाव रहेको इस्लामिक संगठन हमासले आफ्नो प्रतिक्रिया दिएको छ। उनका अनुसार यो आक्रमण इजरायलको आक्रमणको स्वाभाविक प्रतिक्रिया हो । त्यसपछि आइतबार राति इजरायली नागरिकले वेस्ट बैंकमा रहेको प्यालेस्टिनी गाउँमा आक्रमण गरेका थिए । यस आक्रमणमा धेरै घर जलेका थिए ।-बिबिसिबाट