युक्रेनमा ५ लाख सैनिकसहित ठूलो आक्रमण गर्ने तयारीमा पुटिन
प्रकाशित मिति : माघ २०, २०७९ शुक्रबार
रुसले ५ लाख सैनिक परिचालन गरेको छ युक्रेनका रक्षामन्त्री ओलेक्सी रेज्निकोभले रुसले २४ फेब्रुअरीमा कीभमा ठूलो आक्रमण गर्ने योजना बनाएको बताएका छन् । बुधबार फ्रान्सको भ्रमणका क्रममा उनले यस्तो बताएका हुन् । यस क्रममा उनले एमजी-२०० एयर डिफेन्स रडार किन्न सम्झौता गरे। यो जानकारी बीबीसीको एक रिपोर्टमा दिइएको हो । फ्रान्सेली बीएफएम नेटवर्कसँग कुरा गर्दै, रेज्निकोभले दावी गरे कि मस्कोले सम्भावित आक्रमणको लागि लगभग ५ लाख सैनिक परिचालन गरेको छ।
‘आधिकारिक रूपमा, रुसले तीन लाख सैनिक घोषणा गरेको छ, तर हाम्रो मूल्याङ्कन अनुसार यो धेरै हो,’मन्त्रीले बीएफएमलाई बताएको कुरा उद्धृत गर्दै बीबीसीले लखेको छ । रक्षामन्त्रीले भने, युक्रेनी सैनिकहरू दुश्मनविरुद्ध बदला लिन तयार छन्। उनले भने, ‘मलाई विश्वास छ कि सन् २०२३ सैन्य विजयको वर्ष हुनसक्छ।’ उनले युक्रेनी सेनाले आफ्नो कब्जामा लिएको क्षेत्र छोड्न नसक्ने बताए ।
युक्रेनी गुप्तचरहरूले रुसी राष्ट्रपति भ्लादिमिर पुटिनले आफ्ना सेनाहरूलाई वसन्तको अन्त्य अघि युक्रेनको डोनबास क्षेत्र कब्जा गर्न आदेश दिएको आरोप लगाएपछि रेज्निकोभको टिप्पणी आएको हो। यसैबीच, युक्रेनी उपरक्षा मन्त्री हन्ना मल्यारलाई बीबीसीले उद्धृत लेखेको छ, डोनबासमा लडाई जारी छ, जहाँ रुसी सेना र वाग्नर समूहका भाडाका सैनिकहरूले बाख्मुत शहर कब्जा गर्न खोजिरहेका छन्।
उनले भने मस्कोका सेनाले अक्टोबर २०२२ मा युक्रेनी सेनाले फिर्ता लिएको लिमनलाई पुनः कब्जा गर्न खोजिरहेका छन्। “रूसी सेनाहरू सक्रिय रूपमा डोनेट्स्क र लुहान्स्क क्षेत्रहरूको सिमानामा पुग्न प्रयास गरिरहेका छन्,” उनले टेलिग्राम सन्देश एपमा लेखे। हाम्रा सिपाहीहरूले युक्रेनी भूमिलाई कुनै पनि हालतमा रक्षा गर्नेछन्।’
राष्ट्रका नाममा भिडियो सम्बोधन गर्दै जेलेन्स्कीले भने, “रुसी आतंकवादलाई रोक्ने एउटै उपाय भनेको यसलाई ट्याङ्क, लडाकु विमान र लामो दूरीका मिसाइलहरूद्वारा पराजित गर्नु हो।” बिहीबार, पुटिनले युक्रेनमा आफ्नो देशको आक्रमणलाई नाजी जर्मनीविरुद्धको लडाइसँग तुलना गरे।