Follow @khasokhasmag

यस्ता छन् अमेरिकाको कोलोराडोमा नेपालीको गोली हानी हत्या गर्ने संदीग्धविरुद्ध ४ अभियोग


प्रकाशित मिति : पुस २६, २०७९ मंगलबार

अमेरिकाको कोलोराडोमा बिहिबार राती ५३ बर्षीय नेपाली भेषराज लामिछानेलाई गोली हानेर हत्या गरेको अभियोगमा पक्राउ शावनाथन डिएन्जेलो चान्सविरुद्ध ४ अभियोगहरु लगाइएको छ । चान्सविरुद्ध कोलोराडोमा लामिछानेको हत्या, इन्डियानामा प्रहरी अधिकारीको प्रतिरोध, गाडी चोरी र लापरवाही ड्राइभिङको अभियोग लगाइएको छ ।

अमेरिकाभित्र जो कोही फस्ट डिग्री हत्याको दोषी छ भने उसलाई मृत्युदण्ड वा आजीवन कारावासको सजाय हुनेछ । त्यस्तै जो कोही सेकेण्ड डिग्री हत्याको दोषी छ भने उसलाई कुनै पनि वर्ष वा आजीवन जेल सजाय हुनेछ।

विषद्वारा गरिएको, पर्खाइमा बसेर गरिएको प्रत्येक हत्या फस्ट डिग्रीमा पर्छ । त्यस्तै कुनै पनि अन्य प्रकारको जानाजानी, जानाजानी, दुर्भावनापूर्ण, र पूर्वनियोजित हत्या पनि फस्ट डिग्री हत्यामा पर्छ । अपराध गर्ने प्रयास, कुनै पनि आगजनी, हत्या, अपहरण, देशद्रोह, जासुसी, तोडफोड, यौन दुर्व्यवहार, बाल दुर्व्यवहार, चोरी, वा डकैतीका क्रममा भएको हत्या पनि फस्ट डिग्रीमा पर्छ ।

बच्चा वा बालबालिका विरुद्ध आक्रमण वा यातनाको ढाँचा वा अभ्यासको भागको रूपमा गरिएको अपराध वा कुनै पनि मानिसको मृत्युलाई असर गर्न गैरकानूनी र दुर्भावनापूर्ण रूपमा पूर्व नियोजित डिजाइनबाट गरिएको हत्या पनि फस्ट डिग्रीमा पर्छ । अरु सबै हत्याहरु सेकेण्ड डिग्रीमा पर्छन् ।

बुधबार राती ८ बजेतिर ९११ मा स्टोरमा भएको घटनाबारे प्रहरीले जानकारी पाएपछि घटनास्थल पुगेको प्रहरीले तत्काल हत्यारालाई भने पक्राउ गर्न सकेको थिएन । शुक्रबारमात्र अभियुक्तलाई इन्डियानाबाट पक्राउ गरिएको थियो ।

सदीग्धले लामिछानेलाई गोलीहानी हत्या गरेपछि हत्यारा उनकै गाडी लिएर भागेको थियो । भिडियोमा संदिग्धले क्लर्कलाई आक्रमण गरेको र त्यसपछि गोली हानेर हत्या गरेको देखिएको थियो । त्यसपछि संदिग्ध पीडितको कारमा घटनास्थलबाट फरार भएको देखिएको थियो । लामिछाने उक्त स्टोरका संचालक समेत हुन् ।

स्व. भेषराज लामिछाने

संदीग्धले लामिछानेलाई गोली हानेपछि उनकै निशान गाडीमा भागेको थियो । शुक्रबार विहान इन्डियानामा प्रहरीका अधिकारी टु्रपर फुल्टनले विहान १० बजेर २३ मिनेटतिर आई ६४ हाइवेनेर गस्ती गरिरहेका थिए । त्यतीबेला उनले खैरो रंगको २०१५ को निशान गाडी प्रतिघण्टा ८६ माइलको गतिमा हुइकिरहेको देखे ।

ओभर स्पीड भएका कारण  फुल्टनले उक्त गाडी रोक्ने प्रयास गरेका थिए । उनलाई त्यसमा कोलोराडो हत्यामा संलग्न व्यक्ति भएको थाहा थिएन । तर चालकले उक्त गाडीको गति अझ तीब्र बनाएर पूर्वी भागतिर हुइकाएको थियो । त्यसपछि एसआर १६५ उत्तरतिर र सीआर १००० दक्षिणतिर गाडी हुइकाएको थियो । त्यतीबेला गाडीको गति प्रतिघण्टा ९० माइल रहेको थियो ।

त्यसपछि गाडी अनियन्त्रित हुन पुगेको थियो । गाडीले दक्षिणतिरबा बाटो छाडेको थियो । गाडी धेरैपटक पल्टा खाएपछि एउटा खुला चौरमा आएर रोकिएको थियो । चालक घाइते भएको थिएन भने हिराशतमा लिइएको थियो ।

संदीग्धले चलाएको गाडी अनियन्त्रित भएपछि यस्तो अवस्थामा पुगेको थियो ।

इन्डियाना प्रहरीलाई यतीबेलासम्म उक्त चालक कोलोराडोमा गोली चलाएर भेषराज लामिछानेको हत्या गर्ने संदीग्ध भएकोबारे थाहा थिएन । प्रहरीले निशान गाडीको दर्ता हेर्दा गाडी कोलोराडोको ह्वीटरिजमा चोरी भएको रिपोर्ट गरिएको थियो भने चालक बिहिबारको गोलीकाण्डमा संलग्न भएको संदीग्ध रहेको थियो ।

गाडी भेषराज लामिछानेको भएको पत्ता लागेपछिमात्र इन्डियाना प्रहरीले खोज्दै जाँदा संदीग्धका बारेमा थाहा पाएको थियो ।

इन्डियाना राज्यप्रहरीले पछिमात्र उक्त व्यक्ति २६ बर्षीय शावनाथन डिएन्जेलो चान्स रहेको र कोलोराडोमा हत्याको संदीग्ध भएको थाहा पाएको जनाएको छ । आक्रमणकारी नर्थ क्यारोलिनाको भएको जनाइएको छ ।

इन्डियाना प्रहरीलाई प्राप्त जानकारी अनुशार संदीग्धलाई पक्राउ गरेर पोसे काउन्टी जेलमा राखिएको थियो । कोलोराडोका अधिकारीहरुलाई हस्तान्तरण गर्नु अगाडि उसलाई विना जमानत उक्त काउन्टी जेलमा राखिएको थियो ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com