आइदायोमा ४ विद्यार्थीको हत्या अभियोगमा ७ हप्तापछि पेन्सिलभेनियामा एक व्यक्ति पक्राउ
प्रकाशित मिति : पुस १५, २०७९ शुक्रबार
प्रहरीले सात हप्ताको खोजी पछि आइदायो विश्वविद्यालयका चार विद्यार्थीको हत्या गरेको अभियोगमा २८ वर्षीय व्यक्तिलाई शुक्रबार पक्राउ गरेको घोषणा गरेको छ । उनलाई पेन्सिलभेनियाबाट पक्राउ गरिएको हो ।
नोभेम्बर १३ को भयानक घटनाको अनुसन्धानमा ब्रायन क्रिस्टोफर कोहबर्गरलाई उत्तरपूर्वी पेन्सिलभेनियामा गिरफ्तार गरिएको छ । ४ जना विद्यार्थीको हत्याको घटनाले ९ हजार विद्यार्थी अध्ययनरत क्याम्पसलाई हल्लाउनुका साथै विश्वविद्यालयलाई सुरक्षा बढाउन र बाँकी सेमेस्टरको लागि रिमोट सिकाइ विकल्प प्रस्ताव गर्न प्रेरित गरेको थियो । डरलाग्दो हत्याले राष्ट्रिय ध्यान खिचेको थियो ।
कोहबर्गरलाई पेन्सिलभेनिया राज्य पुलिसले हिरासतमा लिएको थियो । उनको मंगलबार आइदायो पठाउने पर्खाइमा मोनरो काउन्टी जेलमा राखिएको थियो। आइदायोको मस्कोका प्रहरी प्रमुख जेम्स फ्राईले शुक्रबारको पत्रकार सम्मेलनमा कोहबर्गरलाई चारवटा हत्या र एक चोरीको आरोप लगाइएको बताएका छन् ।
शुक्रबार पृष्ठ हटाइनु अघि उनी वाशिंगटन स्टेट युनिभर्सिटीको आपराधिक न्याय र अपराध विज्ञान विभागमा पीएचडी विद्यार्थीको रूपमा सूचीबद्ध थिए। वाशिंगटन राज्य ४ जना विद्यार्थीहरु मारिएको आइदायोको घरबाट करिब १० माईल पश्चिममा रहेको छ ।
अदालतमा संदिग्धको प्रारम्भिक उपस्थिति नभएसम्म उनीहरूले कुन जानकारी सार्वजनिक गर्न सक्छन् भन्ने बारे राज्य कानूनद्वारा सीमितता रहेको प्रहरीले बताएको छ । कोहबर्गरलाई पेन्सल्भेनियामा मंगलबार दिउँसोको अदालतमा पेश गरिदैछ ।
एफबीआई र आइदायो राज्य पुलिसले हत्याका सम्बन्धमा १९ हजारभन्दा धेरै टिप्सहरु प्राप्त गरेको थियो, जहाँ २० वर्षीय इथान चापिन र ज़ाना केर्नोडल र २१ वर्षीया म्याडिसन मोगेन र केली गोन्काल्भ्सको हत्या भएको थियो ।
Monroe County: State Police Arrests Suspect in Idaho Student Homicides pic.twitter.com/1bUzXw0ZKq
— PA State Police (@PAStatePolice) December 30, 2022
शनिबार साँझ उनीहरू मारिनु अघि मोगेन र गोन्काल्भ्स डाउनटाउन बारमा थिए, जबकि चापिन र केर्नोडल चापिनको घरमा थिए । त्यसपछि उनीहरु विहान पौने २ बजे किंग स्ट्रीटमा रहेको घरमा आएका थिए, जहाँ उनीहरुको हत्या भएको थियो ।
जब दुई जीवित साथीहरू उक्त बिहान अबेर उठे, तिनीहरूले दोस्रो तलामा रूममेटहरुको मृत्यु भएको देखेका थिए । उनीहरुले त्यसपछि अन्य साथीहरूलाई घरमा बोलाएका थिए । त्यसपछि घटनाबारे प्रहरीलाई खबर गरिएको थियो ।
प्रहरी दिउँसो करिब १२ बजे घटनास्थलमा पुग्दा घरको दोस्रो र तेस्रो तल्लामा चारजना विद्यार्थी मृत अवस्थामा फेला पारेको थियो ।
लताह काउन्टी कोरोनरको कार्यालयले गरेको पोस्टमार्टमले प्रत्येक विद्यार्थीलाई धेरै पटक छुरा प्रहार गरिएको र केहीले आफ्नो आक्रमणकारीसँग लड्न खोजेको संकेत देखिएको देखाएको थियो । यौन दुर्व्यवहारको कुनै संकेत थिएन।
संदिग्धको खोजीको क्रममा अनुसन्धानकर्ताहरुलेहरूले कहिलेकाहीं केसको बारेमा भ्रामक वा विरोधाभासी अपडेटहरू जारी गरेका कारण छानबिनको सामना गर्नुपरेको थियो। प्रहरीले सुरुमा त्यसक्षेत्रका जनतालाई कुनै खतरा नभएको आश्वस्त पारेको थियो तर पछि उक्त सुचना उल्टाउदै समुदायमा खतराको सम्भावनालाई अस्वीकार गर्न नसक्ने बताएको थियो । उनीहरूले बारम्बार हत्याहरूलाई लक्षित भनेका थिए। तर उनीहरूले त्यो शब्दको अर्थ के हो भनेर स्पष्ट गर्न संघर्ष गरेका थिए ।
नोभेम्बर ३० मा विद्यार्थीहरू युनिभर्सिटी अफ इडाहोको इनडोर एथलेटिक स्टेडियममा मृतकको सम्मानमा मैनबत्ती प्रज्वलनको लागि भेला भएका थिए । त्यतीबेला इथान चापिनकी आमा, स्टेसी चापिनले सुन्दर क्याम्पस, ग्रीक प्रणाली र सानो सहरको अनुभूतिको कारणले गर्दा उनका तीन बच्चाहरू स्कूलमा भर्ना भएको बताएकी थिइन् ।